ފުލުހުންގެ ޓްރެއިނިން އިންސްޓިޓިއުޓުން ކުރިއަށްގެންދާ އިންވެސްޓިގޭޝަން އޮފިސާ ކޯހުގެ 27 ވަނަ ބުރު ބ. އޭދަފުށީގައި މިއަދު ފަށައިފި އެވެ.
އިންޓިޓިއުޓް ފޯ ސެކިއުރިޓީ އެންޑް ލޯ އެންފޯސްމަންޓް ސްޓަޑީޒް (އައިލްސް) ގެ ޕޮލިސް އެކަޑަމީން ކޯސް ފެށުމަށްޓަކައި އޭދަފުށީ މަލްޓިޕާޕަސް ހޯލުގައި ބޭއްވި ރަސްމިއްޔާތު ޝަރަފްވެރިކޮށްދެއްވީ ބ. އޭދަފުށީ ކައުންސިލްގެ ރައީސް އަލީ ވަހީދު އެވެ.
މި ކޯހުގައި ބައިވެރިންނަށް ތަހުގީގު ކުރުމާގުޅޭ ގިނަ މޮޑިއުލުތަކާއި ފުލުުހުންގެ މަސައްކަތްތަކާއި ގުޅޭ ގާނޫނާއި ގަވާއިދުތަކުގެ އިތުރުން ފުލުހުންގެ ކޯޑް އޮފް ކޮންޑަކްޓް ފަދަ މޮޑިއުލްތައް ކިޔަވައިދިނުމަށް ހަމަޖެހިފައިވާ ކަމަށް ފުލުހުން ބުންޏެވެ.
ފަސް މަސް ދުވަހަށް ހިންގާ އިންވެސްޓިގޭޝަން އޮފިސާ (އައިއޯ) ކޯހުގައި 46 މީހުން ބައިވެރިވި ކަމަށް ފުލުހުން ބުންޏެވެ.