ރިސޯޓްތަކުގެ މެދުގައި ކުޅެވޭ އެންމެ ބޮޑު ވޮލީބޯޅަ މުބާރާތް ކަމަށްވާ އިންޓަ ރިސޯޓް ވޮލީބޯލް ޗެމްޕިއަންޝިޕްގެ އަންނަ ހަފުތާގެ އަންގާރަ ދުވަހު ފަށަން ވޮލީބޯލް އެސޯސިއޭޝަނުން ތައްޔާރުވެއްޖެ އެވެ
ހަތަރު ޒޯނެއްގެ މެދުގައި މިފަހަރު ކުރިއަށްދާ މި މުބާރާތުގައި އަންނަ މަހު 8 ވަނަ ދުވަހު ޒޯން ފަހެއްގެ ކުޅުން ފަށާއިރު، ފުރަތަމަ މެޗުގައި ބ. އަތޮޅުގައި އޮންނަ ސޮނޭވާފުށި ރިސޯޓް ބައްދަލުކުރާނީ މި އަތޮޅު އަމިއްލަފުށި ރިސޯޓްއާ ކަމަށް ހަވީރުގައިވެއެވެ.
މި ޒޯންގައި ދެން ވާދަކުރަނީ ބ. އަތޮޅުގައި އޮންނަ ފޯ ސީޒަންސް މޯލްޑިވްސް ލަނޑާ ގިރާވަރު އާއި ހަމަ މި އަތޮޅުގެ އަނަންތަރާ ކިހާވަށް ވިލާސް އެވެ.
މިދިޔަ އަހަރުގެ ޗެމްޕިއަން ރޯޔަލް އައިލެންޑް ރިސޯޓުން މިއަހަރުގެ މުބާރާތުގައި ބައިވެރިއެއް ނުވެ އެވެ.
މި ޒޯންގެ މެޗުތައް ކުޅޭނީ ސޮނޭވާފުއްޓާއި ފޯ ސީޒަންސް އަދި އަނަންތަރާގަ އެވެ. ފައިނަލް ކުޅޭނީ އަންނަ މަހު 17ގަ އެވެ.
ޒޯން ބުރު އަންނަ މަހު 20 ގައި ނިންމާލުމަށްފަހު ޒޯން ޗެމްޕިއަންސް ލީގަށް ތައްޔާރުވުމަށް ޓީމުތަކަށް 8 ދުވަހުގެ ބްރޭކެއް ދޭނެ އެވެ. ދެ ލެގުގެ ސެމީ ފައިނަލް މެޗުތައް ކުޅޭނީ އަންނަ މަހު 29 އާއި 30 އަދި އޮކްޓޫބަރު 2 އާއި 3 ގަ އެވެ.
ޒޯން ޗެމްޕިއަންސް ލީގުގެ ފައިނަލު ކުޅޭނީ އޮކްޓޫބަރު މަހު 6 ވަނަ ދުވަހު އެވެ.
މިފަހަރުގެ މުބާރާތުގެ ސްޕޮންސަރަކީ ސޮނީ ސްޕޯޓްސް އެވެ.