ސަރުކާރުގެ ސްޕޯޓްސް އެރީނާ ޕްރޮޖެކްޓްގެ ދަށުން ބ. އަތޮޅުގެ 8 ރަށް ހިމެނޭ ގޮތަށް 82 ރަށެއްގައި ބަށި ކޯޓް އެޅުމަށް މޯލްޑިވްސް ރޯޑް ޑިވެލޮޕްމެންޓް ކޯޕަރޭޝަން (އެމްއާރްޑީސީ)އާ ކުޅިވަރާ ބެހޭ މިނިސްޓްރީން ހަވާލުކޮށްފި އެވެ.
ބަށި ކޯޓުތަކުގެ އިތުރުން 22 ރަށެއްގައި ފުޓްސަލް ދަނޑުތައް އެޅުމަށްވެސް މިއަދުވަނީ އެމްއާރުޑީސީ އާ ހަވާލުކޮށްފަ އެވެ. ނަމަވެސް ދެވަނަ ފިޔަވަހީގެ ފުޓްސަލް ދަނޑު އަޅާ ރަށްތަކުގެ ތެރޭގައި މިއަތޮޅުގެ އެއްވެސް ރަށެއް ނުހިމެނެ އެވެ.
ގަލޮޅު ރަސްމީ ދަނޑުގައި ބޭއްވި ރަސްމިއްޔާތެއްގައި މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ޔޫތު މިނިސްޓަރު އަހުމަދު ޒުހޫރު އެވެ. އެމްއާރުޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހިމް ނަޒީމެވެ.
މި އެއްބަސްވުމުގެ ދަށުން ބ. އަތޮޅުގައި ބަށިކޯޓް އަޅަނީ ކުޑަރިކިލު، ކެންދޫ، މާޅޮސް، ދަރަވަންދޫ، އޭދަފުށި، ހިތާދޫ، ތުޅާދޫ އަދި ގޮއިދޫ ގައެވެ.
ކުޅިވަރާ ބެހޭ މިނިސްޓަރު ޒުހޫރު ވިދާޅުވީ ސަރުކާރުގެ ސްޕޯޓްސް އެރީނާ ޕްރޮޖެކްޓްގެ ދަށުން ރާއްޖޭގެ ރަށްރަށުގައި ކުޅިވަރު ކުޅުމުގެ ވަސީލަތްތައް ގާއިމު ކޮށްދިނުމުގެ މަސައްތް ވަރަށް ހަލުވި ސްޕީޑެއްގައި ކުރަމުން އަންނަ ކަމަށެވެ. އަދި ވަރަށް އަވަހަށް އިތުރު ރަށްތަކުގައި ބަށި ކޯޓާއި ފުޓްސަލް ދަނޑު އެޅުމުގެ މަސައްކަތް އެހެން ކުންފުންޏަކާ ހަވާލުކުރައްވާނެ ކަމަށް ވިދާޅުވި އެވެ.
އެމްއާރްޑީސީގެ މެނޭޖިން ޑިރެކްޓަރު އިބްރާހިމް ނަޒީމް ވިދާޅުވީ އެ ކުންފުނީގެ ސައިޓްތައް ގިނަ ރަށްތަކުގައި މިހާރުވެސް ހުރުމުން ދީފައިވާ މުއްދަތުގެ ތެރޭގައި ފުޓްސަލް ދަނޑުތަކާއި ބަށި ކޯޓްތަކުގެ މަސައްކަތް ނިންމާލެވޭނެ ކަމަށް ގަބޫލު ކުރާކަމަށެވެ.
އާބާދީ ބޮޑުވީމާ ނިމުނީ ދޯ؟؟؟ އެ ހެޔޮ ބަށި ކުޅެން ނޭނގުނަސް،،،،،،،،،،