ސޮނީ ސްޕޯޓްސް އިންޓަ ރިސޯޓް ޒޯން ވޮލީބޯލް ޗެމްޕިއަންޝިޕްގެ ފުރަތަމަ މެޗުން ސޮނެވާފުށި ރިސޯޓް އިއްޔެ ހަވީރު މޮޅުވެއްޖެ އެވެ.
ޒޯން ފަހެއްގެ މިމެޗުން ސޮނެވާފުށި މޮޅުވީ އަމިއްލަފުށި ރިސޯޓާ ވާދަކޮށް ސީދާ 3 ސެޓުންނެވެ.
މި މެޗުގެ މޮޅު ކުޅުންތެރިއަކަށް ހޮވުނީ ސޮނެވާގެ ޑޮން ސުމޭދާ އެވެ.
މި މުބާރާތުގައި މިއަދު ކުޅޭ މެޗުގައި ފޯ ސީޒަން މޯލްޑިވްސް ލަނޑާ ގިރާވަރު ރިސޯޓް ނުކުންނާނީ މި ޒޯންގައި ދެން އޮތް ޓީމު ކަމަށްވާ އަންނަތަރާ ކިހާވަށް ވިލާސް އާ ދެކޮޅަށެވެ. މި މެޗު ކުޅޭނީ އަނަންތަރާގަ އެވެ.
މި ޒޯންގެ ފައިނަލު ކުޅޭނީ މިމަހު 17 ވަނަ ދުވަހު އެވެ.