ބ. އަތޮޅު މަދަރުސާގެ މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް އެރަށު ރަންހާރު އައިމިނަތު ޝިހާމާ ހޮވައިފި އެވެ.
ދަރަވަންދޫގައި ހުންނަ ބ. އަތޮޅު މަދަރުސާގައި މިދިޔަ ހުކުރު ދުވަހުގެ ރޭ ބޭއްވި ޖަލްސާގައި ހުރިހާ ގޮތަކުން އެންމެ މޮޅު ދަރިވަރަކަށް ހޮވުނު އައިމިނަތު ޝިހާމާ ވަނީ މިދިޔަ އަހަރުގެ އޯ ލެވެލް އިމްތިހާނުގެ ހަ ވަނައިގައިވެސް ހިމެނިފަ އެވެ.
ބ. އަތޮޅު މަދަރުސާއިން މިދިޔަ އަހަރު ގްރޭޑް 7 ނިންމި އެންމެ މޮޅު ތިން ދަރިވަރުންނަށް ހޮވުނީ އަފާފަތު އަހުމަދު އާއި ފާތުމަތު ނަޖުދާ އަލީ އަދި ފާތުމަތު މާޝާ ހުސައިން އެވެ. މީގެ އިތުރުންވެސް މިދިޔަ އަހަރު އެކިއެކި ކާމިޔާބީތައް ހޯދި ދަރިވަރުންނަށް އިނާމާއި ޓްރޮފީ އަދި ހަނދާނީލިޔުން ދީފައިވެ އެވެ.
ބ. އަތޮޅު މަދަރުސާގެ 35 ވަނަ އަހަރީ ދުވަހާއި ގުޅުވައިގެން ބޭއްވި މި ޖަލްސާ ޝަރަފުވެރި ކޮށްދެއްވައި ޚާއްސަ ވަނަތައް ހޯދި ދަރިވަރުންނަށް އިނާމާއި ހަނދާނީލިޔުން އަދި ޓްރޮފީތައް ހަވާލުކޮށްދެއްވީ އެޑިޔުކޭޝަން މިނިސްޓްރީގެ ޑިރެކްޓަ ޖެނެރަލް ފާތުމަތު ހިލްމީ އެވެ.
ބ.އަތޮޅު މަދަރުސާގެ ތާރީޚުގައި މިހާތަނަށް ބޭއްވި އެންމެ ކަޑަ އިނާމް ދިނުމުގެ ޖަލްސާ