ބ. އޭދަފުއްޓާ މާލެއާ ދެމެދު ފެރީ ދަތުރުތައް ބާއްވާ “އެޓޯލް ކިއުޓް ކްރޫޒާ” ފެރީ ވައިފައި ކޮށްފި އެވެ.
މިއީ ދިރާގާއި ގުޅިގެން އެޓޯލް ކިއުޓް ފެރީ ސާވިސް އިން ދޭން ފެށި ހިދުމަތެކެވެ. މި ހިދުމަތް އެ ފެރީގައި ތައާރަފުކުރީ ރައްޔިތުންނަށް ފަސޭހަ ގޮތްތަކެއް މަގުފަހިކޮށްދިނުމަށް ކަަމަށް އެޓޮލް ކިއުޓް ފެރީން ބުނެ އެވެ.
މި ހިދުމަތް މިއަދު ހެނދުނުު އެ ފެރީގައި ރަސްމީކޮށް ފަށާފައިވާއިރު ދިރާގުން ބުނިގޮތުގައި މިކަމަށް ދިރާގު ހިޔާރުކުރެއްވީތީ އެ ކުންފުނިން އެޓޯލް ކިއުޓް ފެރީ ސާވިސް އަށް ޝުކުރު އަދާކުރެ އެވެ.
އެޓޮލް ކިއުޓް ފެރީން ބުނިގޮތުގައި މިކަމަށް ދިރާގު ހިޔާރުކުރެއްވީ ރާއްޖޭގައި އެންމެ ފުޅާ ދާއިރާއެއްގައި 3ޖީ އަދި 4ޖީ ހިދުމަތް ފޯރުކޮށްދެނީ ދިރާގު ކަމަށްވާތީ އެވެ.
މި ހިދުމަތުގެ ސަބަބުން އެ ފެރީގައި ދަތުރުކުރާ ފަރާތްތަކަށް ފަސޭހަތަކެއް ލިބިގެން ދާނެ ކަމަށް ވެސް އެޓޯލް ކިއުޓް ފެރީން ބުނެ އެވެ.
އެޓޯލް ކިއުޓް ކުރޫޒާ އަކީ މިދިޔަ ބޮޑުއީދަށް އަލަށް ބާލައި ޚިދުމަތް ދޭންފެށި ލޯންޗެކެވެ. 50 މީހުންގެ ޖާގައިގެ އެ ލޯންޗުގައި އޭދަފުށި-މާލެ ދަތުރުތައް ބާއްވަނީ ކޮންމެ ހަފްތާއެއްގެ ހޯމަ، ބުރާސްފަތި އަދި ހޮނިހިރު ދުވަހު އެވެ.
އެޓޯލް ކިއުޓް ފެރީ ޝެޑިއުލް
ހޮނިހިރު، ހޯމަ އަދި ބުރާސްފަތި (އޭދަފުށި ފުރުން ހެނދުނު 8:00 ގައި)
ހޮނިހިރު އަދި ހޯމަ ދުވަހު މާލެއިން ފުރުން ހެނދުނު 11:00 ގައި، ބުރާސްފަތި ދުވަހު މެންދުރު 1:00 ގައި)
ނުލާހިކު ކުރުމުއްދަތެއްގެ ތެރޭގައި ތިޔަވަރުގެ ބޮޑު ކުރިއެރުމެއް އެޓޯލް ކިއުޓް ފެރީ ސަރވިސް ތިޔަ ހޯއްދެވީ ފަސޭހަ ކަމާއެކު. އޭގެ ސިއްރަކީ ކަސްޓަމަރުން ނަށް އިތުބާރުހިފޭފަދަ ޚިދުމަތެއް ދެއްވޭތީ ކަން ޔަޤީން. މަރްޙަބާ އެޓޯލްކިއުޓް މެނޭޖްމަންޓް.
Ma ruhabaa
ބަރާބަރު. ރަނގަޅުކަމެއް.
އެޓޯލް ކިއުޓް ކުރޫޒަރގެ މެނޭޖްމަންޓް އަށް މަރުޙަބާ.. ބ. އަތޮޅުގެ ފެރީގެ ޚިދުމަތުގައި ތިޔައީ ކާލާ މަންނަ އެވެ.
“އެޓޯލް ކިއުޓް ކްރޫޒާ”ގެ މެނޭޖްމަންޓަށް މަރްޙަބާ. ކުރިޔަށް ކުރިޔަށް ކުރިޔަށް… ބާރަށް ކުރިޔަށް.