ބ. ހިތާދޫ އަމިއްލަ ޖަމިއްޔާއެއް ކަމަށްވާ ހިތާދޫ އައިލެންޑް ޑިވެލޮޕްމަންޓް އެސޯސިއޭޝަން (ހިދާ ޖަމިއްޔާ) އިން އެ ރަށުގައި ފާމަސީއެއް ހުޅުވައި ހިދުމަތް ދޭން ފަށައިފި އެވެ.
ހިތާދޫ ސިއްހީ މަރުކަޒުގެ އެހީތެރިކަމާއެކު އެ މަރުކަޒުގެ ތެރޭގައި ހަދާފައިވާ މި ފާމަސީން މިދިޔަ ހޯމަ ދުވަހު ހިދުމަތް ދޭން ފެށި އިރު، އާސަންދަ ހިދުމަތް ނުލިބުނު ނަމަވެސް، ވަރަށް އަވަހަށް އާސަންދައިގެ ދަށުން ބޭސް ލިބެން ފަށާނެ ކަމަށް ހިދާ ޖަމިއްޔާއިން ބުނެއެވެ.
ހިދާ ޖަމިއްޔާއިން ބުނީ މި ފާމަސީ އަކީ ހިތާދޫ ރައްޔިތުންނަށް އާސަންދައިގެ ދަށުން ބޭސް ލިބޭނޭ މަގު ތަނަވަސް ކުރުމުގެ ގޮތުން ފައްޓަވާފައިވާ މަސައްކަތުގެ ފެށުން ކަމަށެވެ.
