މިއަހަރު ބާއްވާ ގުރުއާން ކިޔެވުމުގެ ގައުމީ މުބާރާތައް ތައްޔާރުވުމުގެގޮތުން ބ. އޭދަފުށީ ކައުންސިލުން ރަށު ފެންވަރުގައި ގުރުއާން މުބާރާތެއް ބާއްވަން ތައްޔާރުވެއްޖެ އެވެ.
ބ. އަތޮޅު ތައުލީމީ މަރުކަޒުގައި ކުރިއަށް ގެންދާ މުބާރާތް ފަށާނީ އަންނަ ބުރާސްފަތި ދުވަހު އެވެ. މުބާރާތް ހުޅުވާލާފައިވަނީ ރަށުގައި ހިންގާ ސްކޫލް ތަކަށާއި ގުރުއާން ކްލާސް ތަކަށެވެ. މުބާރާތުގައި ބައިވެރިވުމުގެ ފުރުސަތު އަންނަ އާދީއްތަ ދުވަހުގެ ނިޔަލަށް ވަނީ ހުޅުވާލައިފަ އެވެ.
ރަށު ކައުންސިލުން ބުނިގޮތުގައި ކޮންމެ ސްކޫލަކުން ނުވަތަ ގުރުއާން ކްލާހަކުންވެސް ބައިވެރިކުރެވޭނީ ބަލައިގެން ކިޔެވުމުގެ ގޮފީގައި ދިހަ ދަރިވަރުންނާއި ހިތުން ކިޔެވުމުގެ ގޮފީގައި ފަސް ދަރިވަރުންނަށެވެ.
އޭދަފުށި ކައުންސިލް ގަ ތިބި މެމްބަރުންނަކަށް ނުވާނެ އެއްކަމެއްވެސް ހަމަ ހުސް އަނގަތަކެއް ތަޅާނީ …