ރެޑްބުލް އިން އިންތިޒާމްކޮށްގެން އޭދަފުށީގައި ބާއްވަން ހަމަޖެެއްސި ރެޑްބުލް ވިނިން ފައިވް ކޮލިފައިން މުބާރާތަށް އެކަށީގެންވާ ތަރުހީބެއް ނުލިބުމުގެ ސަބަބުން އެ މުބާރާތް މިއަހަރު މިރަށުގައި ނުބާއްވާގޮތަށް ހަމަޖައްސައިފި އެވެ.
ޔޫރޯ މާކެޓިންގެ އޮފިޝަލަކު ރޭ “އީޓީ” އަށް ވިދާޅުވީ ރުޑްބުލް މުބާރާތުގެ އޭދަފުށި ކޮލިފައިން މިރަށުގައި މިއަހަރު ނުބާއްވާ ގޮތަށް ހަމަޖެއްސީ އެ މުބާރާތުގައި ބައިވެރިވުމަށް ދިން ފުރުސަތު ހަމަވިއިރު ބައިވެރިވީ އެންމެ 9 ޓީމު ކަމަށް ވާތީ ކަމަށެވެ.
”9 ވަރަކަށް ޓީމު ބައިވެރިވެގެނެއް މުބާރާތެއް ނުބޭއްވޭނެ. އަޅުގަނޑުމެން އެބަ ބޭނުންވޭ އެންމެ މަދުވެގެން 16 ޓީމު ބައިވެރިވާން، އެކި ސަބަބުތަކާހުރެ އެތައް ފަހަރަކުެ ފަސްކޮށްގެންވެސް ޓީމުތައް އިތުރުވާގޮތެއް ނުވި. (އެހެންވެ) މުބާރާތް ކެންސަލްކުރީ. ބޮޑަށް ހީވަނީ މިހާރު މިނިވަން 50 ފުޓްބޯޅަ މުބާރާތްވެސް ތިކޮޅުގައި ކުރިއަށްދާތީ ތަރުހީބު ނުލިބުނީ ކަމަށް،”
ގިނަ ބައެއްގެ މަގްބޫލުކަން ހޯދާފައިވާ މި މުބާރާތުގެ ކޮލިފައިން އެންމެ ފުރަތަމަ ފަށަންވެސް ހަމަޖެއްސީ މިދިޔަ މަހު އޭދަފުށިންނެވެ. ނަމަވެސް ތަފާތު އެކި ސަބަބުތަކާހުރެ މުބާރާތް ތިން ހަތަރު ފަހަރު މަތިން ވަނީ ފަސްކޮށްފަ އެވެ.
