މާލޭގައި މިހާރު ކުރިއަށްދާ އަތޮޅު ލީގު ބެޑްމިންޓަން މުބާރާތުގެ ސެމީ ފައިނަލުން އޭދަފުށީ ބެޑްމިންޓަން ޓީމު ޖާގަ ހޯދައިފި އެވެ.
ވޭތުވެދިޔަ ތިން އަހަރުގެ ޗެމްޕިއަން އޭދަފުށި ބީޑީސީ ސެމީ ފައިނަލުން ޖާގަ ހޯދީ މިރޭ ތ. ތިމަރަފުއްޓާ ވާދަކޮށް ސީދާ 5 މެޗުން މޮޅުވެގެންނެވެ.
ފުރަތަމަ ސިންގަލްސް ގައި އޭދަފުށީގެ ޓީމުގެ ޝަރުމީލު އާއި ތިމަރަފުށީގެ ހުސައިން ރަޝީދު ބައްދަލުކުރި މެޗު 22-10 އަދި 21-10 ން ކާމިޔާބުކުރީ ޝަރުމީލު އެވެ.
ފުރަތަމަ ޑަބަލްސްގައި އޭދަފުށީގެ އިކްރާމު އަދި ހުސައިން މުހައްމަދުގެ ޕެއާ އާއި ތިމަރަފުށީގެ އާމިލް އަދި މިސްބާހުގެ ޕެއާ ބައްދަލުކުރި މެޗް 21-4 އަދި 21-8 ން ކާމިޔާބުކުރީ އިކްރާމް އަދި ހުސައިންގެ ޕެއާ އެވެ. ދެވަނަ ޑަބަލްސް އިކްރާމް އަދި ހަސަން ނިޔާޒުގެ ޕެއާ ގެންދިޔައީ 21-4 އަދި 21-7 އިންނެވެ.
ދެވަނަ ސިންގަލްސްގައި ތިމަރަފުށީގެ ފަޒީން އާއި ވާދަކޮށް ހުސައިން މުހައްމަދު ގެންދިޔައީ 4-22 އަދި 21-11 އިންނެވެ. ތިންވަނަ ޑަބަލްސް ގައި މާހު އަދި ނާއިލްގެ ޕެއާ މެޗުތައް ގެންދިޔައީ 10-21، 17-21 އަދި 19-21 އިންނެވެ.
ސެމީ ފައިނަލު މެޗުތައް އޮންނާނީ މާދަމާ ހަވީރު އެވެ. ސެމީގައި އޭދަފުށި ނުކުންނާނީ ނ. ހޮޅުދޫ ޓީމާ ދެކޮޅަށެވެ.