މިއަދު ފަތިހު ކަމަދޫ ނެރުމައްޗަށް އެރަށު ފެރީ ދޯންޏެއް އަރައި އަޑިއަށް ހިނގައްޖެ އެވެ.
ކަމަދޫ ކައުންސިލުގެ ނައިބް ރައީސް ހުސައިން ޒަރީރު ވިދާޅުވި ގޮތުގައި މި ހާދިސާ ހިނގި ކަމުގެ ރިޕޯޓް ލިބުމާ ގުޅިގެން ކައުންސިލާއި ރައްޔިތުން ގުޅިގެން ކުރި މަސައްކަތުން އެ ދޯނި މިހާރު ވަނީ ފުންކޮށް ރަށުގެ ފަޅުތެރެއަށް ވައްދައިފަ އެވެ. މި ހާދިސާ ހިނގާފައިވަނީ ފަތިހު 5:15 ހާއިރެވެ.
ނެރުގެ ފައިކަށްޓަށް ދޯނި އެރީ ކަމަދުއަށް ވަންނަނިކޮށް އިންޖީނު ހުއްޓިގެން ކަމަށް ދޯނީގެ ކެޕްޓަނާ ހަވާލާދީ ޒަރީރު ވިދާޅުވި އެވެ.
“ރައްޔިތުންވެގެން ދޯނި މިހާރުވަނީ ފުންކޮށް ފަޅުތެރެއަށް ވައްދާފައި، އެކަމު ދޯނި އަދިވެސް އޮތީ އަޑީގައި، ދޯނި ބޮޑުބައެއް ފޫގޮސްފައިހުރި ކަމަށްވަނީ،”
ކަމަދޫ ކައުންސިލުން ބުނި ގޮތުގައި މި ހާދިސާގައި ނެރުމައްޗަށް އެރީ އެރަށުން ލަނޑާގިރާވަރަށް ދަތުރުކުރާ ފެރީ ދޯންޏެވެ. މި ހާދިސާގައި އެއްވެސް މީހަކަށް ގެއްލުމެއް ނުވާ ކަމަށް ކައުންސިލުން ބުންޏެވެ.
