މިނިވަން ފަންސާސް ފުޓްބޯޅަ މުބާރާތުގައި ކުޅުނު އޭދަފުށީ ޓީމަށް ޢަލީ ފާސިރު (ސެންޓޭ) ރޭ ކެއުމެއް ދީފި އެވެ.
ޤައުމީ ޓީމުގައި މުހިއްމު ދައުރެއް އަދާކުރާ އަދި މިހާރު ޓީސީ ސްޕޯޓްސް އަށް ބަދަލުވެފައިވާ އޭދަފުއްޓަށް އުފަން ސެންޓޭ އޭދަފުށީ ޓީމަށް ދިން ކެއުން އޮތީ އައްޑޫ ސިޓީ ހިތަދޫގެ ކުއެންޗް ރެސްޓޯރެންޓް ގައެވެ. މި ކެއުމުގައި މިވަގުތު އައްޑޫ ސިޓީގައި ތިބި އޭދަފުށީ ޓީމުގެ ކުޅުންތެރިންނާއި އޮފިޝަލުން ވަނީ ބައިވެރިވެފައެވެ.
މިނިވަން ފަންސާސް ފުޓްބޯޅަ މުބާރާތުގައި ވާދަކުރި އޭދަފުށީ ޓީމަށް ވަނީ ހެޔޮއެދޭ އެކި ފަރާތްތަކުން ކެއުން ސްޕޮންސަ ކޮށްފައެވެ. މުބާރާތުގެ ފަހުބުރު ކުޅުމަށް އައްޑޫގައި ތިބި މި ޓީމަށް ދާދިފަހުން ވަނީ އައްޑޫ ސިޓީގެ ފްރެންޑްސް ކްލަބުގެ ފަރާތުންނާއި އޭދަފުށީ އެޓޯލް ކިއުޓް ގްރޫޕުންވެސް ރޭގަނޑުގެ ކެއުމެއް ދީފައެވެ.
މިނިވަން ފަންސާސް ފުޓްބޯޅަ މުބާރާތުން އޭދަފުއްޓަށް ލިބުނީ ތިންވަނަ އެވެ. މި މުބާރާތުގެ ޗެމްޕިއަންކަން ހޯދީ ފައިނަލުގައި ފަރެސްމާތޮޑާ 1-0 އިން ބަލިކޮށް އައްޑޫ ސިޓީގެ ފޭދޫ ޓީމެވެ. އޭދަފުށީ ޓީމު މާލެ ދިއުމަށް ހަމަޖެހިފައިވަނީ މިއަދު އެވެ. އަދި ޓީމު މިރޭ އޭދަފުއްޓަށް އަންނާނެ އެވެ.
މިނިވަން 50 ފުޓްބޯޅަ މުބާރާތުގެ ޚަބަރު ވަރަށް ރަގަޅަށް މިނޫހުގެ ފަރާތުން ގެނެސް ދެމުން އައިސް ފައިނަލްމެޗްގެ ޚަބަރު ގެނެސްދީފައި ނުވާތީ ހިތާމަކުރަން – ފައިނަލްމެޗްގެ ޚަބަރު ސެންޓޭ އޭދަފުށީޓީމަށް ކެއުމެއްދިން ޚަބަރުގެ ތެރެއިން ގެނެސްދިނުމަކީ ރަގަޅުގޮތެއް ނޫން ދޯ ؟