މިހާރު ރާއްޖެއަށް ކުރަމުންދާ ވިއްސާރާގައި ރ އަދި ލ އަތޮޅަށް ޔެލޯ އެލާޓް ނެރެފި އެވެ.
މޫސުމާއި ބެހޭ ޤައުމީ އިދާރާއިން ބުނީ މި ވިއްސާރައާއި ގުޅިގެން ވިލާގަނޑުގައި 55 މޭލަށް ވައިގަދަ ވާނެ ކަމަށާއި ވިލާގަނޑުގައި ކަނޑުތައްވެސް ގަދަ ވާނެ ކަމަށެވެ.
އަދި މާދަމާވެސް ރާއްޖޭގެ އެކި ހިސާބުތަކަށް ވިއްސާރަ ކުރާނެކަމަށް މެޓް އޮފީހުން ލަފާ ކުރެއެވެ.
ރާއްޖެއަށް މިހާރު ކުރަމުންދާ ވިއްސާރަ އާއި ގުޅިގެން ބައެއް ރަށްރަށުގައި ވަނީ ވަރަށް ބޮޑަށް ފެންބޮޑުވެ މީހުންގެ ގެދޮރަށާއި މުދަލަށް ގެއްލުން ވެފައެވެ.
ވިއްސާރަ އާއި ގުޅިގެން ހާލުގައި ޖެހިފައިވާ ފަރާތްތަކަށް އެހީތެރިވެދިނުމުގެ މަސައްކަތް ޑިޒާސްޓަރ މެނޭޖްމެންޓް ސެންޓަރުން އަންނަނީ ކުރަމުންނެވެ.
މި ވިއްސާރައިގައި ބޯކޮށް ވާރޭވެހި، ވައިގަދަވެ، ކަނޑު ގަދަވާނެ ކަމަށް ލަފާކުރެވޭތީ ކަނޑު ދަތުރު ކުރާ ފަރާތްތަކުންނާއި އާއްމު ހުރިހާ ފަރާތްތަކުން ސަމާލުވާން ވެސް މެޓުން ވަނީ އެދިފަ އެވެ.