ބ. ދަރަވަންދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް ބ. މާޅޮސް، ނަފާޕެލަސް، ޢަބްދުއްރަޝީދު ޔޫސުފް މާޅޮހު މެޖިސްޓްރޭޓް ކޯޓުގެ އިސްމެޖިސްޓްރޭޓްކަމަށް މިއަދުން ފެށިގެން ހަމަޖައްސަވައިފި އެވެ.
ޖުޑީސަލް ސާވިސް ކޮމިޝަނުން ބުނީ، މިގޮތަށް އެ ކޮމިޝަނުން ހަމަޖެއްސެވީ، ޢަބްދުއްރަޝީދު ޔޫސުފަކީ މާޅޮހު ބޭފުޅަކަށްވުމާއި ބަދަލުކޮށްދެއްވުމަށް އެދި ހުށަހަޅުއްވާފައިވަނީ މިހާރުވެސް ހުންނެވި ބ. ޖުޑީޝަލް ދާއިރާގައި ހިމެނޭ ރަށަކަށް ކަމަށްވުމުން ކަމަށެވެ. އަދި ވޭތުވެދިޔަ ދެ އަހަރު ދަރަވަންދޫ މެޖިސްޓްރޭޓް ކޯޓަށް ހުށަހެޅިފައިވާ މައްސަލައިގެ އަދަދަށްވުރެ ބ. މާޅޮހު މެޖިސްޓްރޭޓް ކޯޓަށް ހުށަހެޅިފައިވާ މައްސަލައިގެ ޢަދަދު އިތުރުވެފައިވާތީ ކަމަށްވެސް އެ ކޮމިޝަނުން ބުނެއެވެ.
“ޢަބްދުއްރަޝީދު ޔޫސުފް އެދިލައްވާފައިވާ ގޮތަށް ބ. މާޅޮހު މެޖިސްޓްރޭޓް ކޯޓުގެ ކޯޓް އިސްމެޖިސްޓްރޭޓްކަމަށް ބަދަލުކުރަން ކޮމިޝަނުން ނިންމެވިއެވެ”. ޖޭއެސްސީ ކޮމިޝަނުގެ ވެބްސައިޓްގައި ވެ އެވެ.
