ބ. ކެންދޫ ކައުންސިލުން އިންތިޒާމުކޮށްގެން ބާއްވާ ފުޓްބޯޅަ މުބާރާތް ޖުލައި 22 ގައި ފެށުމަށް ތައްޔާރުވެއްޖެ އެވެ.
5 ޓީމު ވާދަކުރާ މި މުބާރާތް ހުޅުވާ މެޗުގައި ބައްދަލުކުރާނީ މިދިޔަ އަހަރުގެ ޗެމްޕިއަން އެފްސީ ވެންގާޑް އާއި ރަނާއަޕް ޑައިމަންޑް ސްޕޯޓްސް އެންޑް ރެކްރިއޭޝަން (ޑީއެސްއާރުސީ) އެވެ. މި ދެ ޓީމާއެކު ގްރޫޕް އޭ ގައި ދެން ހިމެނެނީ ވިނާސް ބޯއީސް އެވެ.
ގްރޫޕް ބީ ގައި ހިމެނެނީ ގްލޯރިއަށް ވިކްޓްރީ އާއި ނިއު ސްޓާ އެފްސީ އެވެ.
މުބަރާތުގެ ސެމީ ފައިނަލުގެ މެޗުތައް އޮންނާނީ ޖުލައި 27 އަދި 28 ގައެވެ. ފައިނަލް މެޗު އޮންނާނީ ޖުލައި 30 ވަނަ ދުވަހު ހަވީރެވެ.
މި މުބާރާތުގެ ޗެމްޕިއަން ޓީމަށް ކެންދޫ ކައުންސިލުން މިއަހަރު 15،000ރ. ހުށަހަޅާފައިވާއިރު، ރަނާ އަޕް ޓިމަށް 6000ރ. ވަނީ ހުށަހަޅައިފަ އެވެ.
މިއީ ޒުވާނުންނަށް ހާއްސަ ކޮށްގެން ކެންދޫ ކައުންސިލުން ބާއްވާ ދެވަނަ ފުޓްބޯޅަ މުބާރާތެވެ.
