ސްރީ ލަންކާގެ ޓެލެމެޑިސިން ޕްލެޓްފޯމް “އޯޑޮކް” މޯބައިލް އެޕްލިކޭޝަން ބޭނުންކޮށްގެން މި މަހުގެ ނިޔަލަށް ހިލޭ ޑޮކްޓަރަށް ދެއްކޭ ޕްރޮމޯޝަނެއް އުރީދޫން ފަށައިފި އެވެ.
އުރީދޫން ބުނިގޮތުގައި މި ޕްރޮމޯޝަންގެ ދަށުން ހިލޭ ޑޮކްޓަރަށް ދެއްކޭނީ ހަމައެކަނި އާންމު ބަލިތަކުގެ ޑޮކްޓަރުންނަށް ކަމަށާއި ސްޕެޝަލިސްޓުންނަށް ދެއްކުމަށް ފީއެއް ނަގާނެ އެވެ.
އުރީދޫއިން ބުނީ އޯޑޮކް މެދުވެރިކޮށް ބޭނުން ތަނަކު ހުރެ، ކިއޫގައި މަޑުކުރުމަކާ ނުލައި ޑޮކްޓަރަށް ދައްކާލެވޭނެ ކަމަށެވެ.
ލަންކާގެ ގިނަ ބައެއްގެ މެދުގައި މަގުބޫލުކަން ހޯދާފައިވާ އޯޑޮކް އަކީ ބަލި މީހުންނާއި ޑޮކްޓަރުން ވީޑިއޯކޮށް އަދި އޯޑިއޯ ކޯލް މެދުވެރިކޮށް ގުޅުވައިދޭ އޮންލައިން ޕްލެޓްފޯމެކެވެ.
#StaySafe and keep your health on track via oDoc App! Ooredoo customers can now consult with General Practitioners from the comfort of their homes via oDoc for FREE.
— Ooredoo Maldives (@OoredooMaldives) September 11, 2020
Offer valid till end of Sep 2020
Info: https://t.co/FHrwLw9WJO pic.twitter.com/TsqSpR2UEy
އޯޑޮކް ވާޗުއަލް ކްލިނިކް މެދުވެރިކޮށް، ލަންކާގެ 450 އަށް ވުރެ ގިނަ ޑޮކްޓަރުންގެ ހިދުމަތް ލިބޭނެ އެވެ. މީގެ ތެރޭގައި އާންމު ބަލިތަކާ ބެހޭ ޑޮކްޓަރުންނާއި ކުޑަކުދިންގެ ޑޮކްޓަރުންނާއި ހަމުގެ ޑޮކްޓަރުންނާއި އަންހެނުންގެ ޑޮކްޓަރުން އަދި ނަފްސާނީ ބަލީގެ ޑޮކްޓަރުން ވެސް ހިމެނެ އެވެ. ދިވެހި ޑޮކްޓަރުންނަށް ވެސް އޯޑޮކް ޕްލެޓްފޯމް މެދުވެރިކޮށް ދެއްކުމުގެ ފުރުސަތު ކުރިމަގުގައި ހުޅުވައިލާނެ ކަމަށް އުރީދޫން ބުންޏެވެ.
އޯޑޮކް ޕްލެޓްފޯމް މެދުވެރިކޮށް، ޑޮކްޓަރަށް ދެއްކުމުން ޑޮކްޓަރުގެ ސޮޔާއި ސްޓޭމްޕާ އެކު ބޭސް ސިޓީ ފޯނަށް ފޮނުވައިދޭނެ އެވެ.
އުރީދު އާއި އޯޑޮކްގެ ޕާޓްނާޝިޕްގެ ސަބަބުން ބައިނަލްއަގްވާމީ ފެންވަރުގެ ސިއްހީ ހިދުމަތްތަކާ، ދިވެހިން ގުޅުވައިދޭނެ ކަމުގެ ޔަގީންކަން އުރީދޫން ދެ އެވެ. އެގޮތުން، އޯޑޮކް މެދުވެރިކޮށް ޑޮކްޓަރަށް ދައްކާ އުރީދޫގެ ކަސްޓަމަރުން ބިލް ދެއްކުމަށް ކްރެޑިޓް ނުވަތަ ޑެބިޓް ކާޑު ބޭނުންކުރުމުގެ ބަދަލުގައި ރައްކާތެރިކަމާއެކު، ޕޯސްޓްޕެއިޑް ބިލުން ނުވަތަ ޕްރީޕެއިޑް ބެލެންސުން ފައިސާ ދެއްކޭނެ ކަމަށެވެ.
