ލޯކަލް ކައުންސިލް އިންތިހާބުގައި ޕީޕީއެމް ޓިކެޓްގައި އޭދަފުށީ ކައުންސިލަށާއި އަތޮޅު ކައުންސިލުގެ އޭދަފުށީ ދާއިރާއަށް ވާދަކުރަން ބޭނުންވާ މީހުންނަށް ކުރިމަތިލާން ހުޅުވާލައިފި އެވެ.
ޕީޕީއެމް އޭދަފުށީ އޮފީހުން ނެރުނު އިއުލާނެއްގައި ބުނީ އިންތިހާބުގައި އެ ޕާޓީން ވާދަކުރަން ޝައުގުވެރިވާ މީހުން މި މަހުގެ 9 ގެ ކުރިން އެ އޮފީހަށް ފޯމު ހުށަހަޅަން ޖެހޭނެ ކަމަށެވެ.
ކައުންސިލް އިންތިހާބުގައި ވާދަކުރުމުގެ ފުރުސަތު ހުޅުވާލީ މިމަހުގެ 26 ގަ އެވެ. މި އިންތިހާބު ބާއްވާ ގޮތަށް ހަމަޖައްސާފައި ވަނީ އަންނަ އަހަރުގެ ޖެނުއަރީ 14 ގަ އެވެ.
ރަށު ކައުންސިލާއި އަތޮޅު ކައުންސިލްތަކުގެ މެމްބަރުންގެ އަދަދު މަދުކުރަން ލޯކަލް ކައުންސިލްތަކުގެ ގާނޫނަށް ގެނައި އިސްލާހުގެ ސަބަބުން އޭދަފުށީ ކައުންސިލަށް މިފަހަރު އިންތިހާބު ކުރާނީ 5 މެންބަރުންނެވެ. މިއަތޮޅު ކައުންސިލަކަށް އިންތިހާބުކުރާނީ ކޮންމެ އިންތިހާބީ ދާއިރާއަކުން އެއް ކައުންސިލަރެކެވެ.