ތައުލީމީ ދާއިރާގައި މަސައްކަތް ކުރާ ހުރިހާ މުވައްޒަފުންގެ މުސާރަ މިއަދުން ފެށިގެން ބޮޑުކޮށްފައިވާކަން، ރައީސް އިބްރާހީމް މުހައްމަދު ސޯލިހު އިއުލާނުކުރައްވައިފިއެވެ.
ރައީސުލްޖުމްހޫރިއްޔާ މިކަން އިއުލާނުކުރައްވާފައިވަނީ މިއަދު ގައުމާއި މުހާތަބްކުރައްވާ ދެއްކެވި ވާހަކަފުޅުގައެވެ.
ރައީސްގެ ހިތާބުގައި ވަނީ މިއަހަރުގެ ރިޔާސީ ބަޔާނުގައި ޓީޗަރުންގެ މުސާރައަށް ހެޔޮ ބަދަލެއް ގެންނާނެކަމަށް ވިދާޅުވި ވިދާޅުވުމާއި އެއްގޮތަށް މިމަހުން ފެށިގެން ޓީޗަރުންގެ މުސާރަ ބޮޑުވާނޭކަން އިއުލާންކުރައްވާފައެވެ.
ރައީސް ވިދާޅުވީ ރާއްޖޭގައި އެންމެ ބުރަ ޒިންމާއެއް އަދާ ކުރާ ބަޔަކީ ޓީޗަރުން ކަމަށްވީ ނަމަވެސް ޓީޗަރުންނަށް މިއަދާ ހަމައަށް ވެސް ލިބެނީ އެކަށީގެންވާ އުޖޫރައަށް ވުރެ ކުޑަ އުޖޫރައެއް ކަމަށެވެ.
މީގެ އިތުރުން، މިއަދު މުސާރައަށް ގެނައި ބަދަލަކީ މުވައްޒަފުން ބަލައިގަންނާނެ ބަދަލަކަށް ވާނޭ ކަމަށް އުންމީދު ކުރައްވާ ކަމަށް ވެސް ރައީސް ވިދާޅުވިއެވެ.
މި ނިންމުމާއެކު 9000 ޓީޗަރުން ހިމެނޭހެން ތައުލީމީ ދާއިރާގައި މަސައްކަތްކުރާ ހުރިހާ ސިވިލް ސާވިސް މުވައްޒަފުންގެ މުސާރަ ބޮޑުވެގެން ދާނެއެވެ.
ތައުލީމީ ދާއިރާގެ މުވައްޒަފުންގެ މުސާރަ ބޮޑު ކުރައްވާނެ ކަމަށް ރައީސް ފުރަތަމަ ވިދާޅުވީ މި އަހަރުގެ ރިޔާސީ ބަޔާން އިއްވަވަމުންނެވެ.
ރިޔާސީ ބަޔާނުގައި ރައީސް ވިދާޅުވީ ގައުމު ބިނާކުރުމުގެ އެންމެ ބުރަ މަސްއޫލިއްޔަތު އަދާކުރަނީ ދަރިން ބިނާކުރާ އެދުރުން ކަމަށް ވީހިނދު އެ މީހުންނަށް އެކަށީގެންދާ އުޖޫރައެއް ދިނުމަކީ އެމަނިކުފާނުގެ ވައުދުފުޅެއް ކަމަށެވެ.
ތައުލީމީ ދާއިރާގެ ތެރޭގައި ހިމެނެނީ ސުކޫލްތަކުގެ އެޑްމިންސް، ލައިބްރެރިއަން، ކައުންސެލަރ، ޕްރިންޓަރ، އަދި މަސައްކަތުމީހުންވެސް. ހަމައެކަނި ޓީޗަރުންގެ ވޯޓުހޯދަން ތަ އމީހުންނަށް މުސާރަ މަތިކުރީ. ވޯޓައްނާންނާތި ޓީޗަރުންގެ މުސާރަ އެކަނި ބޮޑުކޮއްފަ