ބ. އަތޮޅުގެ ހަތަރު ފިނޮޅެއް ވަގުތީގޮތުން ބެލެހެއްޓުމަށް ތިން ފަރާތަކާ ހަވާލުކޮށްފި އެވެ.
ބ. އަތޮޅު ކައުންސިލުން ބުނީ، އެ ކައުންސިލުގެ ބެލުމުގެ ދަށުގައި އޮތް ހަތަރު ފިނޮޅެއް އެއް އަހަރު ދުވަހަށް ވަގުތީގޮތުން ބެލެހެއްޓުމަށް ތިން ފަރާތަކަށް މިއަދު ހަވާލުކޮށްފައިވާ ކަމަށެވެ.
ކައުންސިލުން ބުނިގޮތުގައި އެއް އަހަރު ދުވަހުގެ ނިޔަލަށް އެ ފިނޮޅުތައް ބެލެހެއްޓުމަށް މިއަދު ހަވާލުކުރީ ލަނޑާގިރާވަރު ޕްރައިވެޓް ލިމިޓެޑަށާއި ތިލަދޫ ރިސޯޓްސް ޕްރައިވެޓް ލިމިޓެޑް އަދި އެމްޕަޔަރ އިންވެސްޓްމަންޓް ޕްރައިވެޓް ލިމިޓެޑަށެވެ.
ވަގުތީގޮތުން ބެލެހެއްޓުމަށް ހަވާލުކުރި ފިނޮޅުތަކަކީ ގިރާވަރު ދެ ފިނޮޅާއި ވިލިގިލިފަރު ފިނޮޅު އަދި ނުރައުފުރިފަރު ފިނޮޅެވެ.
މީގެ ތެރެއިން ގިރާވަރު ދެ ފިނޮޅު ބެލެހެއްޓުމަށް ލަނޑާގިރާވަރު ރިސޯޓާ ހަވާލުކުރީ 1.8 މިލިއަން ރުފިޔާއަށެވެ. ވިލިގިލިފަރު ފިނޮޅު 360،000 އަށް އެމްޕަޔަރ އިންވެސްޓްމަންޓާ ހަވާޅުކުރިއިރު ނުރައުފުރިފަރު ތިލަދޫ ރިސޯޓްސްއާ ހަވާލުކުރީ 127،492.56 ރުފިޔާ އަށެވެ. މިއަތޮޅު ކައުންސިލުގެ ބެލުމުގެ ދަށުގައިވާ ފިނޮޅުތައް ކުއްޔަށްދީގެން އަހަރަކު 2.5 މިލިއަންރުފިޔާގެ އާމްދަނީއެއް ހޯދުމަށް އެ ކައުންސިލުން ވަނީ އަމާޒު ހިފައިފަ އެވެ.
