އޭދަފުށީގެ ޖަމިއްޔާއެއް ކަމުގައިވާ ކްލަބް ކޮންބިނޭޝަން (ސީސީ) އިން ބ. އަތޮޅުގެ ރިސޯޓް ތަކަށް ހުޅުވާލައިގެން އޭދަފުށީގައި ކްރިކެޓް މުބާރާތެއް ފަށަން ތައްޔާރުވެއްޖެ އެވެ.
”އިންޓަ ރިސޯޓް ކްރިކެޓް ޓޯނަމަންޓް“ ގެ ނަމުގައި ބާއްވާ މި މުބާރާޓް އޮންނާނީ މި މޭމަހުގެ 10-16 ގެ ނިޔަލަށް އޭދަފުށީގެ ކުރީގެ ފުޓްބޯޅަ ދަނޑުގައެވެ.
ސީސީން ބުނީ މުބާރާތް ފެށުމުގެ ގޮތުން ވާންޖެހޭ ހުރިހާ ތައްޔާރީތަކެއް މިހާރުވަނީ ނިމި ގުރުއަތުލުން ވެސް ބާއްވައިފައެވެ.
މި މުބާރާތުގައި ބ. އަތޮޅުގެ ހަ ރިސޯޓުން ވާދަކުރެއެވެއެއީ ފިނޮޅު ބ އަތޮޅު މޯލްޑިވްސް އާއި ދުސިތު ތާނީ މޯލްޑިވްސް އާއި، ވެސްޓިންގ މިރިޔަންދޫ އާއި މިލައިދޫ މޯލްޑިވްސް ގެ އިތުރުން ސޮނޭވާފުށި އަދި އަމިއްލަ މޯލްޑިވްސް އެވެ.
މިމުބާރާތުގެ ގްރޫޕް ސްޓޭޖް ގެ ދެ މެޗު ކޮންމެ ދުވަހަކު ކުޅުމަށް ހަމަޖެހިފައިވާއިރު ގްރޫޕް މެޗުތައް ނިމޭނީ 12 މޭ ގައެވެ.
ސެމީގެ ދެމެޗު އޮންނާނީ މޭ 13 ވަނަ ދުވަހާއި 14 ވަނަ ދުވަހުއެވެ.
މި މުބާރާތުގެ ފައިނަލްމެޗު ކުޅުމަށް ހަމަޖެހިފައިވަނީ މެއި 16 ގައެވެ.
