ބ. އޭދަފުށީ ނޫރާނީގޭ އަހުމަދު ޚާލިދު މިއަދު ކުއްލިގޮތަކަށް ނިޔާވެއްޖެ އެވެ.
އާއިލާ އިން ބުނި ގޮތުގައި އުމުރުން 74 އަހަރުގެ ޚާލިދު ނިޔާވިކަން އެނގުނީ، މެންދުރު ނަމާދު ވަގުތު ޖެހިގެން ދިޔައިރު ވެސް މިސްކިތަށް ނުގޮސް އޮތުމުންނެވެ.
ތައުލީމީ އާއިލާއެއް ބިނާކުރުމުގައި ކާމިޔާބު ބައްޕައެއްގެ ގޮތުން އޭދަފުށިން ފާހަގަކޮށްލެވޭ ޚާލިދު ނިޔާވި އިރު އޭނާގެ އަތްބަކާއި ނުވަދަރިންގެ އިތުރުން ކާފަ ދަރިން ދުނިޔޭގައި އެބަތިއްބެވެ.
ޚާލިދުގެ މައްޗަށް ކަށުނަމާދު ކުރުން އޮންނާނީ މިރޭގެ އިޝާ ނަމާދަށް ފަހު އޭދަފުށީ ބޮޑު މިސްކިތުގަ އެވެ.
އާއިލާއަށް މިދަނޑިވަޅުގައި ކުރިމަތިވެފައިވާ ފުން ހިތާމާގައި “އީޓީ” ގެ ޓީމުން ބައިވެރިވެ ތައުޒިޔާކިޔަމެވެ. އަޅުގަނޑުމެން އެދެނީ އާއިލާއަށް ކެތްތެރިކަން ދެއްވައި މަރުހޫމަށް ސުވަރުގޭގެ ދާއިމީ ނިއުމަތް މިންވަރު ކުރެއްވުމެވެ.
