ޖެންޑާ މިނިސްޓަރުގެ ނައިބަކަށް، ޢަބްދުﷲ ރަޝީދު، ރައީސް ޑރ. މުހައްމަދު މުއިއްޒު ހަމަޖައްސައިފި އެވެ.
ރައީސް އޮފީހުން ބުނީ މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމަންޓްގެ ނައިބުގެ މަގާމަށް ބ. އޭދަފުށީ ލަންސިމޫގެ، ޢަބްދުﷲ ރަޝީދު، އިއްޔެ ހަމަޖައްސާފައިވާ ކަމަށެވެ.
ޢަބްދުﷲ ރަޝީދު ވަނީ ކުރިން އެޑިޔުކޭޝަން މިނިސްޓްރީގައި މަސައްކަތް ކުރައްވާފަ އެވެ.
މި ސަރުކާރުގައި 22 މިނިސްޓްރީއެއް އޮންނަ އިރު، މީގެ ކުރިން ދެ ފަހަރެއްގެ މަތިން މިނިސްޓަރުންގެ ނައިބުންގެ ގޮތުގައި ބޭފުޅުން އައްޔަންކުރައްވާފައިވެ އެވެ.
އެގޮތުން، އިއްޔެ 18 ބޭފުޅުން އަދި އޭގެ ކުރީ ދުވަހު 26 ބޭފުޅުންނެވެ. އިއްޔެ އަލަށް އައްޔަންކުރެއްވި 17 ބޭފުޅުންނާ އެކު މިނިސްޓަރުންގެ ނައިބުންގެ ޖުމްލަ އަދަދު 61 އަށް ވަނީ އަރާފަ އެވެ.
