ރިވައިވަލް ސްޕޯޓްސް އޭދަފުށި ގެ ނަމުގައި ރިވައިވަލްގެ ބެޑްމިންޓަން އެކަޑަމީއެއް އޭދަފުށީގައި މިއަދު އުފައްދައިފި އެވެ.
ރިވައިވަލް ސްޕޯޓްސްއިން ބުނި ގޮތުގައި އެ ކްލަބުގެ އަމާޒަކީ ޒުވާން ހުނަރުވެރި އެތުލީޓުންނަށް އެމީހުންގެ އެންމެ ފުރިހަމަ ގާބިލްކަން ހޯދުމަށް އެހީތެރިވުމަށް ބޭނުންވާ ތަމްރީނާއި ތަރައްގީ އަދި މުބާރާތުގެ ފުރުސަތުތައް ހޯދައިދިނުމެވެ.
މިއަދު އުފެއްދި އެ ކްލަބުގެ އޭދަފުށީ އެކަޑަމީގައި މިހާރުވެސް 150 އަށް ވުރެ ގިނަ ޒުވާން އެތުލީޓުން ނަންނޯޓްކޮށްފައިވާ ކަމަށް އެ ކްލަބުން ބުންޏެވެ.
ރިވައިވަލް ސްޕޯޓްސް އޭދަފުށީގެ އެގްޒެކެޓިވް ކޮމިޓީ
• ރައީސް: މުހައްމަދު އިކްރާމް
• ނައިބު ރައީސް: މުހައްމަދު އާރިފް
• ނައިބު ރައީސް: ހުސެއިން ޒަޔާން ޝަހީދު ޒަކީ
• ޖެނެރަލް ސެކްރެޓަރީ: އިބްރާހިމް ޝަހީދު
• ޚަޒާނާ: އައިޝަތު ރިސްމީ
• މެންބަރު: ހުސައިން މުހައްމަދު
• މެންބަރު: ހުސައިން ރަމީޒް
“އަޅުގަނޑުމެން އިންތިޒާރު ކުރަނީ އާ ޖީލުގެ ހުނަރުވެރި ޒުވާން އެތުލީޓުންނާ ގުޅިގެން މަސައްކަތް ކުރުމަށް، މިކަމަށް އޭދަފުށީ ކައުންސިލުން ދެއްވި އެއްބާރުލުމަށް އިޚްލާޞްތެރިކަމާއެކު ޝުކުރު އަދާކުރަން،”
ރިވައިވަލް ސްޕޯޓްސް އަކީ ޒުވާން އުމުރެއްގައި، 2019 ވަނަ އަހަރުގެ ކުރީކޮޅު ގައުމީ ބެޑްމިންޓަން ޓީމަށް ކުޅުން ހުއްޓާލި ހުނަރުވެރި ކުޅުންތެރިޔާ އަހުމަދު ޒަޔާން ޝަހީދު ޒަކީގެ މުއައްސިސްގެ ދަށުން އުފެއްދި ކްލަބެކެވެ. އެ ކްލަބުން އަންނަނީ ކުޅިވަރުން ރާއްޖެ އަށް ގައުމީ ފެންވަރުގައި އަދި ބައިނަލްއަގްވާމީ ފެންވަރުގައި ކާމިޔާބީ ހޯދައިދީ ކުޅިވަރުގެ ތެރޭގައި އިހުތިރާމާއި ސުލްހަ އަދި ތަހައްމަލުކުރުން އަށަގަންނުވައި ދެމެހެއްޓެނެވި ކުރިއެރުންތައް ހޯދަމުންނެވެ.