ޕަބްލިކް ސާވިސް މީޑިއާ (ޕީއެސްއެމް)ގެ ޖާނަލިސްޓެއްގެ ގޮތުގައި މަސައްކަތް ކުރައްވަމުން ގެންދެވި، ބ. އޭދަފުށި، މަންޒަރު މުހައްމަދު ނައުރީފް މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓްގެ ޕޮލިޓިކަލް ޑިރެކްޓަރުގެ މަގާމަށް އައްޔަންކޮށްފިއެވެ.
ނައުރީފް އެ މަގާމަށް އައްޔަން ކުރައްވާފައިވަނީ އެ މިނިސްޓްރީގެ ދަށުން ހިންގަމުން އަންނަ ބ. ފެމިލީ އެންޑް ޗިލްޑްރަން ސާވިސް ސެންޓަރުގެ އިސްވެރިޔާގެ ގޮތުގައެވެ. އޭނާ އިއްޔެ ވަނީ ފެމެލީ ސެންޓަރުގެ ވަޒީފާއަށް ނުކުންނަވަން ފައްޓަވައިފަ އެވެ.
އެ މަގާމަށް ނައުރީފް އައްޔަނު ކުރެއްވީ، ގާނޫނު އަސާސީގެ 115 ވަނަ މާއްދާގެ ދަށުން ރައީސުލްޖުމްހޫރިއްޔާ މަގާމު އަދާކުރުމަށްޓަކައި ބޭނުންފުޅުވާ މަގާމުތަކަށް މީހުން އައްޔަން ކުރެއްވުމަށް ރައީސަށް ލިބިވަޑައިގަންނަވާ ބާރުގެ ދަށުންނެވެ.
ގިނަ އަހަރުތަކެއް ވަންދެން ޖާނަލިސްޓެއްގެ ގޮތުގައި މަސައްކަތް ކުރެއްވި ނައުރީފް ވަނީ ކުރިން އޭދަފުށީ ކައުންސިލުގެ މެންބަރުކަންވެސް ކުރައްވާފައެވެ.
