މޫސުން ވަރަށް ބޮޑަށް ގޯސްވެ، ބ. އަތޮޅުން ފެށިގެން މ. އަތޮޅަށް އޮރެންޖް އެލާޓް ނެރެފި އެވެ.
މޫސުމާ ބެހޭ ގައުމީ އިދާރާ (މެޓް) އިން އެ ސަރަހައްދަށް އޮރެންޖް އެލާޓް ނެރެފައި ވަނީ މިރޭ 20:00 އާ ހަމައަށެވެ.
މެޓު އޮފީހުން ލަފާކުރާ ގޮތުގައި އެ ގަޑިއަކު 36 މޭލާއި 42 މޭލާ ދެމެދު ބާރުމިނުގައި ވައި ޖެހި، ވިލާގަނޑުގައި ގަޑިއަކު 60 މޭލަށް ވައިގަދަވާނެ އެވެ. އަދި ކަނޑުތައް ވަރަށް ގަދަވާނެ ކަމަށް މެޓު އޮފީހުން ބުންޏެވެ.
މެޓު އޮފީހުން މޫސުން ދަރަޖަކޮށްފައި ވަނީ ވައިޓް، ޔެލޯ، އޮރެންޖާއި ރެޑުގެ އިތުރުން ވިއްސާރަ އަލިވުމުން ގްރީން އެލާޓެވެ. އާންމުކޮށް މޫސުން ގޯސްވުމުން އެ އިދާރާއިން ނެރެނީ ޔެލޯ އެލާޓެވެ.
