
ބ. އަތޮޅުގައި ހިންގަމުން އަންނަ ރޯޔަލް އައިލެންޑް ރިސޯޓް އެންޑް ސްޕާ އާއި ރާއްޖެ އޮޕްޓިކަލްސް އަދި ބ. އަތޮޅު ހޮސްޕިޓަލް ގުޅިގެން ލޮލުގެ ހާއްސަ ކޭމްޕެއް ފަށައިފި އެވެ.
މިދިޔަ ހޮނިހިރު ދުވަހު ފެށި މި ކޭމްޕް އަންނަ މަހުގެ 15ގެ ނިޔަލަށް މިއަތޮޅުގައި ކުރިއަށްދާނެ އެވެ.

މި ކޭމްޕްގައި ލޮލުގެ ޕްރެޝަރ ބެލުމާއި ޑައިބެޓިކް އަދި ސްކްރީނިންގެ އިތުރުން ލޮލުގައިވާ ތަފާތު މައްސަލަތައް ބެލުމާއި ލޮލުގެ ނަންބަރު ނަގައިދީ އައިނު ހައްދައިދިނުން ހިމެނެ އެވެ.
މި ކޭމްޕްގައި ސްކޫލް ކުދިންނަށް ހައްދާ އައިނުން 10 ޕަސެންޓް ޑިސްކައުންޓް ދެ އެވެ.
ކޭމްޕްގައި ޑޮކްޓަރަށް ދެއްކުމަށް ފުރިހަމަ ނަމާއި އައިޑީކާޑް ނަންބަރު އަދި އެޑްރެހާ ރަށާއެކު ގުޅޭނެ ނަންބަރާއެކު 7999602 އަށް މެސެޖް ކުރުމުން ނަންނޯޓް ކުރެވޭނެ އެވެ.
