ބ. އޭދަފުށީގެ ކްލަބް ކޮމްބިނޭޝަން (ސީސީ) އިން އިންތިޒާމްކޮށްގެން ބާއްވާ އިންޓަ ރިސޯޓް ކްރިކެޓް މުބާރާތް މާދަމާ ހަވީރު ފަށަން ތައްޔާރުވެއްޖެ އެވެ.
މިފަހަރުގެ މުބާރާތުގައި މިއަތޮޅުގެ އަށް ރިސޯޓުން ވާދަކުރެއެވެ.
އެއީ ސޮނޭވާފުށި، ރޯޔަލް އައިލެންޑް ރިސޯޓް އެންޑް ސްޕާ، މިލައިދޫ މޯލްޑިވްސް، ދުސިތު ތާނީ މޯލްޑިވްސް، ފިނޮޅު މޯލްޑިވްސް، އަމިއްލަ މޯލްޑިވްސް، އަވަނި+ފަރެސް މޯލްޑިވްސް އަދި އަނަންތަރާ ކިހާވަށް މޯލްޑިވްސް އެވެ.
މުބާރާތުގެ ގްރޫޕް އޭގައި ހިމެނެނީ، މިލައިދޫ، އަމިއްލަ، ފިނޮޅު އަދި އަނަންތަރާ އެވެ. އަދި ގްރޫޕް ބީގައި ހިމެނެނީ، ދުސިތު، ސޮނޭވާފުށި، ރޯޔަލް އައިލެންޑް އަދި އަވަނި+ފަރެސް އެވެ.
އޭދަފުށީ ކުރީގެ ފުޓްބޯޅަ ދަނޑުގައި ކުރިއަށް ގެންދާ މި މުބާރާތުގައި މާދަމާ ހަވީރު ފުރަތަމަ މެޗުގައި މިލައިދޫ ކުޅޭނީ އަމިއްލައާ އެވެ.
މިިދިޔަ އަހަރު މުބާރާތުގެ ޗެމްޕިއަންކަން ހޯދީ، ސޮނޭވާފުށިންނެވެ. އެއީ ފައިނަލުގައި، ދަ ވެސްޓިން މޯލްޑިވްސް މިރިއަންދޫ ރިސޯޓާ ވާދަކޮށެވެ.
މިއީ ސީސީން މި މުބާރާތް ބާއްވާ ދެވަނަ އަހަރެވެ.
