މާލެއާއި ބ. އަތޮޅާ ދެމެދު ދަތުރުކުރާ ޔޫސުފް ސްޕީޑް ފެރީގެ ޓިކެޓް އަގު ހެޔޮކޮށްފި އެވެ.
ޔޫސުފް ސްޕީޑުން މިއަދު ހާމަކުރި ގޮތުގައި، މިހާތަނަށް ކޮޅަކަށް 600 ރުފިޔާއަށް ވިއްކަމުން އައި ޓިކެޓް، މާދަމާއިން ފެށިގެން ވިއްކަމުންދާނީ ކޮޅަކަށް 500 ރުފިޔާއަށެވެ.
ޔޫސުފް ސްޕީޑުން މި ބަދަލު ގެނެސްފައިވަނީ، މިދިޔަ ހަފުތާގައި ރ. އަތޮޅުގެ ނަޔާ ފެރީން އޭދަފުށި އާއި މާލެއާ ދެމެދު ފެރީ ދަތުރުތައް 500 ރުފިޔާގެ އަގެއްގައި ފަށާފައިވަނިކޮށެވެ. ޔޫސުފް ސްޕީޑުގެ މި ނިންމުމާއެކު، މާލެއާއި ބ. އަތޮޅާ ދެމެދު ދަތުރުކުރާ ދެ ފެރީ ސާވިސްގެ ވެސް ޓިކެޓް އަގު މިހާރު ހުންނާނީ އެއް ހަމައެއްގައެވެ.
ޔޫސުފް ސްޕީޑުގެ ފެރީން މާލެއިން ބ. އަތޮޅަށް ދަތުރުތައް ކުރަމުންދަނީ އޭދަފުށީގެ އިތުރުން މާޅޮހަށެވެ. އެގޮތުން ހުކުރު ދުވަސް ފިޔަވައި ކޮންމެ ދުވަހަކު ކަހަލަ ގޮތަކަށް މި ދަތުރުތައް މިހާރު ބާއްވަ އެވެ.
ބައެއް އާއްމުން ބުނި ގޮތުގައި މި ބަދަލަކީ އާއްމު ރައްޔިތުންނަށް ވަރަށް ބޮޑު ލުޔެއް ލިބިގެންދާނެ ކަމެކެވެ. އަދި މީގެ ސަބަބުން ދެ ކުންފުނީގެ މެދުގައި ވާދަވެރިކަން އިތުރުވެ، ޚިދުމަތުގެ ފެންވަރު އިތުރަށް ރަނގަޅުވެގެންދާނެ ކަމަށްވެސް އާއްމުން ބުނެއެވެ.
Fetroll hilay vee. Nayaa thikan dhin kaman sukuryyaa