ބ. އަތޮޅު ޕޮލިސް ރެކްރިއޭޝަން ކްލަބުން އިސްނަގައިގެން ބޭއްވި “ބ. އެޓޯލް ޕޮލިސް ޔޫރޯ ފެންޓަސީ 2024” މުބާރާތުގެ ވަނަތައް ހޮވައި އިނާމު ހަވާލުކޮށްފި އެވެ.
ޔޫރޯ 2024 ފުޓްބޯޅަ މުބާރާތާ ގުޅުވައިގެން ބޭއްވި މި މުބާރާތުގައި ބ. އަތޮޅުގައި މަސައްކަތްކުރާ ފުލުހުންގެ މުވައްޒަފުން ބައިވެރިވިއެވެ.
ރޭ އޭދަފުށި ޕޮލިސް ސްޓޭޝަނުގައި ބޭއްވުނު ޚާއްޞަ ރަސްމިއްޔާތެއްގައި މުބާރާތުގެ އެކި ވަނަތަކަށް ދިޔަ ފަރާތްތަކަށް އިނާމު ހަވާލުކޮށްދެއްވީ ބ. އަތޮޅު ކޮމާންޑަރ، ޗީފް އިންސްޕެކްޓަރ އޮފް ޕޮލިސް އަފްރާ އާދަމް އާއި އޭދަފުށި ޕޮލިސް ސްޓޭޝަނުގެ އިންޗާޖް، ސަބް-އިންސްޕެކްޓަރ އޮފް ޕޮލިސް ސިމާނު ސައީދެވެ.
މި މުބާރާތުން 1 ވަނައަށް ސާޖަންޓް ސާއިދު އަބޫބަކުރު ހޮވުނުއިރު، ދެ ވަނައަށް ދިޔައީ ސަބް-އިންސްޕެކްޓަރ އޮފް ޕޮލިސް މުޙައްމަދު އަފްސާމެވެ.
ސްކޯ ޕްރެޑިކްޝަން ބައިގެ 1 ވަނަ ހާސިލުކުރީ ސީނިއާ ސާޖަންޓް ހައްވާ ޔޫސުފެވެ. ދެ ވަނައަށް ސަބް-އިންސްޕެކްޓަރ އޮފް ޕޮލިސް މުޙައްމަދު މަދީން އާއި ސީނިއަރ ސާޖަންޓް ޢަލީ އަމީން އެވެ.
މި މުބާރާތަކީ ޔޫރޯ 2024 ގެ ޝައުޤުވެރިކަން ބ. އަތޮޅުގެ ފުލުހުންގެ މެދުގައި އިތުރުކޮށް، އެކުވެރި މާޙައުލެއް ޤާއިމުކުރުމަށް ބޭއްވުނު މުބާރާތެކެވެ.
