ރ. އަދި ބ. އަތޮޅަށް ފުޅާ ދާއިރާއެއްގައި ފެރީގެ ޚިދުމަތް ދެމުން އަންނަ ނަޔާ ފެރީ ސާވިސްއިން މާލެއާއި އޭދަފުށްޓާ ދެމެދު ކުރާ ދަތުރުތަކަށް ޚާއްޞަ އަގުހެޔޮ ޕްރޮމޯޝަނެއް ފަށައިފިއެވެ.
މި ޕްރޮމޯޝަންގެ ދަށުން މާލެ-އޭދަފުށި އަދި އޭދަފުށި-މާލެ އެއްކޮޅު ޓިކެޓެއްގެ އަގު އުޅެނީ އެންމެ 400 ރުފިޔާގައެވެ. މި ޕްރޮމޯޝަން ފަށާފައިވަނީ، ޔޫސުފް ފެރީން މާދަމާއިން ފެށިގެން އެ ކުންފުނީގެ ޓިކެޓް އަގު 500 ރުފިޔާއަށް ދަށްކުރަން ނިންމާފައިވަނިކޮށެވެ.
ނަޔާ ފެރީ ސާވިސްއިން އޭދަފުށްޓާއި މާލެއާ ދެމެދު ދަތުރުތައް ފަށާފައިވަނީ މިދިޔަ ހަފުތާގަ އެވެ. ޚާއްޞަ ފާހަގަކޮށްލެވޭ ކަމެއްގެ ގޮތުގައި، ނަޔާ ފެރީ ސާވިސްއިން ޚާއްޞަ އެހީއަށް ބޭނުންވާ ފަރާތްތަކާއި، ތެލެސީމިއާ ކުދިންނަށާއި، އަދި ޙައްޖާއި ޢުމްރާ އަޅުކަން އަދާކުރުމަށް ދާ ފަރާތްތަކަށް ހިލޭ ދަތުރު ހަމަޖައްސައިދެ އެވެ.
ނަޔާ ފެރީން މިއަދު ނެރުނު އިޝްތިހާރެއްގައި ބުނެފައިވާ ގޮތުގައި އެންމެ އަވަސް، ފަސޭހަ އަދި އިތުބާރުހުރި ދަތުރުފަތުރުގެ ޚިދުމަތް ދިނުމަށް ނަޔާ ފެރީ ސާވިސްގެ ނަޔާ ޕްރިންސް، ނަޔާ ކިންގ، ނަޔާ ކްރައުން އަދި ނަޔާ ކްއީން ލޯންޗްތައް މި ދަތުރުތަކުގައި ބޭނުންކުރާނެއެވެ.
މި ޕްރޮމޯޝަންގެ ދަށުން ޓިކެޓް ބުކް ކުރުމަށް ޝައުޤުވެރިވާ ފަރާތްތަކަށް 9828295، 9955959އަދި 7959925 ނަންބަރުތަކަށް ގުޅައި މަޢުލޫމާތު ސާފުކުރެވޭނެއެވެ.
މި ދެ ކުންފުނީގެ އަގު ދަށްކުރުމާއެކު، މާލެއާއި އޭދަފުށި ދެމެދު ދަތުރުކުރާ ފަސިންޖަރުންނަށް އަގުހެޔޮ ގޮތެއްގައި ދަތުރުކުރުމުގެ ފުރުޞަތު ލިބިގެންދާނެއެވެ. މިއީ ދަތުރުފަތުރުގެ ދާއިރާގައި ވާދަވެރިކަން އިތުރުވެގެންދާކަމުގެ ހެއްކެކެވެ.
ނަމަވެސް މި ޕްރޮމޯޝަން ކުރިއަށްދާނެ މުއްދަތާ ގުޅޭ މަޢުލޫމާތު އަދި ނަޔާ ފެރީ ސާވިސްއިން ހާމަކޮށްފައެއް ނުވެއެވެ.
varah ragalhu vejje. Nayaa ah saabase
ދުނިޔޭގަ ދަތް އަޅަން އުޅެންޏާ ވާނެ އެތި އެވީ