ބ. ތުޅާދޫ ސްކޫލުގައި އޭ ލެވެލްއަށް ކިޔަވައިދޭން ފަށައިފި އެވެ.
ތުޅާދޫ ސްކޫލުން ބުނީ ނުވަ ދަރިވަރުންނާއެކު މަތީ ސާނަވީ ތައުލީމު މިދިޔަ އާދިއްތަ ދުވަހު އެ ސްކޫލުގައި ފަށާފައިވާ ކަމަށާއި އޭލެވެލްގައި ކިޔަވައިދެނީ ބިޒިނަސް އަދި ސައިންސް ސްޓްރީމްގެ މާއްދާތައް ކަމަށެވެ.
ތުޅާދޫ ސްކޫލުގައި މީގެ އަހަރުތަކެއް ކުރިން ވެސް އޭލެވެލް އަށް ކިޔަވައިދިނެވެ. ނަމަވެސް ކުދިން ނުލިބުމުގެ ސަބަބުން ފަހުން ވަނީ އޭލެވެލް އަށް ކިޔަވައިދިނުން ހުއްޓާލައިފަ އެވެ.
341 ކުދިން ކިޔަވަމުން އަންނަ ތުޅާދޫ ސްކޫލުގައި އޭ ލެވަލަށް ކިޔަވައިދޭން ފެށުމުން ބ. އަތޮޅު ތައުލީމީ މަރުކަޒާއެކު މިއަތޮޅުގެ ދެ ސްކޫލެއްގައި މިހާރުދަނީ އޭލެވެލް އަށް ކިޔަވައިދެމުންނެވެ.
