ބ. އޭދަފުށީގެ ކްލަބް ކޮމްބިނޭޝަން (ސީސީ) އިން 14 އަހަރުން ދަށުންގެ ކުދިންނަށް ފުޓްބޯޅަ މުބާރާތެއް ބޭއްވުމަށް ނިންމައިފިއެވެ.
މި މުބާރާތަކީ 14 އަހަރުން ދަށުގެ ޒުވާން ކުޅުންތެރިންގެ ހުނަރު ތަރައްޤީކޮށް، ކުޅިވަރުގެ ރޫޙު އާލާކުރުމަށް އަމާޒުކޮށްގެން ބާއްވާ މުބާރާތެކެވެ.
މުބާރާތުގައި ބައިވެރިވާ ކުދިންގެ ފަރާތުން ފެންނާނީ މޮޅު ކުޅުމާއި، ޓީމްވޯކް އަދި ކުޅިވަރަށް އޮންނަ ލޯބި ކަމަށް ކްލަބުން ބުނެފައިވެއެވެ. އަދި މުބާރާތުގައި ކުރިމަގުގެ ތަރިންނަށް ވާދަވެރި މާޙައުލެއްގައި އެ ކުދިންގެ ހުނަރު ދައްކާލުމުގެ ފުރުޞަތު ލިބިގެންދާނެ ކަމަށް ވެސް އެ ކްލަބުން ބުންޏެވެ.
މީގެ އިތުރުން މި މުބާރާތަކީ އަރަމުން އަންނަ ޒުވާން ކުޅުންތެރިންގެ ހުނަރު ފާހަގަކޮށް، އެ ކުދިން ކުޅިވަރަށް އޮންނަ ލޯތްބަށް އެހީތެރިވެދިނުމަށް ބާއްވާ މުބާރާތެއް ކަމަށް ސީސީން ބުންޏެވެ.
މުބާރާތުގައި ބައިވެރިވުމަށް ޝައުޤުވެރިވާ ފަރާތްތަކަށް 9990595 ނުވަތަ 9995404 ނަންބަރަށް ގުޅައިގެން ރަޖިސްޓްރީ ކުރެވޭނެއެވެ.
