އުރީދޫގެ ގޭމިންގ ޕްލެޓްފޯމް، އުރީދޫ ނޭޝަންއިން ގޭމިންގ އެކްސެސަރީ ޕާޓްނަރެއްގެ ގޮތުގައި އެސްބީއެންޓީއާއެކު އެއްބަސްވުމެއްގައި ސޮއިކޮށްފިއެވެ.
އެސްބީއެންޓީއަކީ ގޭމަރުންނަށް ޚާއްޞަކޮށް އެންމެ ފަހުގެ ޓެކްނޮލޮޖީ ފޯރުކޮށްދޭ ރާއްޖޭގެ ވެބްސައިޓެކެވެ. މި ކުންފުނިން ގޭމަރުންނަށް ބޭނުންވާ މޮނިޓަރު، ސީޕީޔޫގެ އިތުރުން ގޭމިންގ ޗެއަރ ފަދަ ތަކެތި ވިއްކައެވެ.
އުރީދޫ ނޭޝަނަކީ ރާއްޖޭގައި ގޭމިންގ ދާއިރާ ތަރައްޤީކޮށް، ފުޅާކޮށް، ގޭމަރުންނަށް އިތުރު ފުރުޞަތުތައް ހޯދައިދިނުމަށް އުރީދޫއިން ތަޢާރަފުކުރި ޕްލެޓްފޯމެކެވެ. މި ޕްލެޓްފޯމުން އެކި ބާވަތުގެ މުބާރާތްތައް ބާއްވަމުންދެއެވެ. މި މުބާރާތްތަކުގައި ބޮޑެތި ފައިސާގެ އިނާމުތައް ހުށަހަޅައެވެ.
އުރީދޫ ނޭޝަންގެ މުބާރާތެއް މިދިޔަ ހަފުތާ ބަންދުގައިވެސް ބޭއްވި އެވެ.
މި އެއްބަސްވުމުގެ ސަބަބުން ރާއްޖޭގެ ގޭމިންގ ދާއިރާއަށް އިތުރު ކުރިއެރުންތަކެއް ލިބި، ގޭމަރުންނަށް އިތުރު ފުރުޞަތުތަކެއް ހުޅުވިގެންދާނެ ކަމަށް ބެލެވެއެވެ.
