ބ. އަތޮޅު ކުންފުނަދޫގައި ހިންގަމުން އަންނަ ސޮނޭވާ ފުށި ރިސޯޓް ވަނީ އަނެއްކާވެސް ދުނިޔޭގެ އެންމެ ރަނގަޅު 50 ހޮޓަލުގެ ލިސްޓުގައި ފާހަގަކޮށްލެވޭ މަޤާމެއް ހޯދައިފައެވެ.
މި އަހަރުގެ ލިސްޓުގައި ސޮނޭވާ ފުށި ވަނީ 8 ވަނަ ހޯދައި، ދިވެހިރާއްޖެއިން މި ލިސްޓުގެ ފުރަތަމަ 50 ގެ ތެރެއަށް ވަދެފައިވާ ހަމައެކަނި ރިސޯޓުގެ މަޤާމު ހޯދާފައެވެ.
މީގެ އިތުރުން، ސޮނޭވާ ފުށި ވަނީ ވިދިވިދިގެން ދެވަނަ އަހަރަށްވެސް “ދަ ލޮސްޓް އެކްސްޕްލޯރަރ ބެސްޓް ބީޗް ހޮޓެލް” އެވޯޑު ހޯދާފައެވެ.
މި އެވޯޑަކީ ގޮނޑުދޮށާ 20 މީޓަރު ދުރުމިނުގެ ތެރޭގައި ހުންނަ ހޮޓަލުތަކުގެ ތެރެއިން އެންމެ މަތީ ދަރަޖަ ލިބޭ ހޮޓަލަށް ދެވޭ ޚާއްޞަ އެވޯޑެކެވެ.
“މިއީ ސޮނޭވާ ފުށްޓަށާއި މުޅި ދިވެހިރާއްޖޭގެ ފަތުރުވެރިކަމުގެ ސިނާޢަތަށް ލިބުނު ވަރަށް ބޮޑު ޝަރަފެއް،” ސޮނެވާއިން ބުންޏެވެ.
މި އަހަރުގެ ލިސްޓުގައި ހިމެނިފައިވަނީ ދުނިޔޭގެ 6 ބައްރުން ހޮވާލެވިފައިވާ، ދަތުރުވެރިންނަށް އާ ތަޖުރިބާތަކެއް ފޯރުކޮށްދޭ، މި ދާއިރާގައި ނަމޫނާ ދައްކާ ހޮޓާތަކެވެ.
ސޮނެވާ އިން، މި ކާމިޔާބީއަކީ ދިވެހިރާއްޖޭގެ ފަތުރުވެރިކަމުގެ ދާއިރާއަށް ލިބުނު ވަރަށް ބޮޑު ކުރިއެރުމެއް ކަމުގައި ފާހަގަކުރެވެއެވެ. އަދި މިއީ ދިވެހިރާއްޖޭގެ ރިސޯޓުތަކުގެ ފެންވަރު ބައިނަލްއަޤްވާމީ ފެންވަރުގައި ބަލައިގަނެވިފައިވާކަން އަންގައިދޭ ހެއްކެއް ކަމުގައިވެސް އެ ރިސޯޓުން ދެކެ އެވެ.
ސޮނެވާފުއްޓަކީ މިއަދު ރާއްޖޭގެ އެންމެ އަގުބޮޑު، އެންމެ ފެންވަރުމަތީ އެއް ރިސޯޓެވެ.
