ބ. އޭދަފުށީ ފިޔަޖަހާގޭ ހަސަން އިބްރާހިމް، ނުވަތަ ގިނަ ބަޔަކަށް އެނގިފައިވާ ގޮތުގައި (ފިނދަންބެ) ރާއްޖޭގެ އެންމެ ފަހުގެ ފޭލި ވިޔުންތެރިންގެ ތެރެއިން އެކަކެވެ.
1982 ވަނަ އަހަރު ޑޮމިނިކް ސަންސޯނީ ނެގި މި ފޮޓޯތަކުގައި ފެންނަނީ އޭރު އޭނާ ކުރަމުން ގެންދިޔަ މަސައްކަތުގެ އަގުހުރި މަންޒަރުތަކެކެވެ.
އޭދަފުށީގެ އަތްތެރި މަސައްކަތުގެ ތާރީޚަށް ބަލާއިރު، ފޭލި ވިޔުމަކީ މި ރަށަށް ވަރަށް ޚާއްޞަވެފައިވާ މަސައްކަތެކެވެ. މި ރަށުގެ ރައްޔިތުންނަކީ ކަށިކެޔޮ ފަތުން ކުނާ ވިޔުމުގައި ވެސް އެހާމެ ކުޅަދާނަ ބައެކެވެ. މި ދެ މަސައްކަތަކީ ވެސް ވަރަށް ގިނަ ހުނަރާއި، ކެތްތެރިކަމާއި، ތަޖުރިބާ ބޭނުންވާ މަސައްކަތްތަކެކެވެ.
ވަކި ހާއްސަ މިންގަނޑުތަކަކަށް ތައްޔާރުކުރެވޭ ދަނޑިއެއްގައި، ކުލަ ޖައްސާފައިވާ ފޮތީގެ ފޭލިތައް ވަކި ޚާއްސަ ފަންނެއްގެ ދަށުން އަތުރާލެވި، ވިޔެވެއެވެ. ފޮޓޯތަކުގައި ފެންނަ ގޮތަށް، މި މަސައްކަތަށް ވަކި ޚާއްސަ ތަނެއް ތައްޔާރުކުރެވިފައި ހުރެއެވެ. ހިލަގަނޑުން ރާނާފައިވާ ފާރުތަކާއި، ތުނޑި ފުރާޅުން ހިޔާކުރެވިފައިވާ ސަރަޙައްދެއްގައި މި މަސައްކަތް ކުރެވެއެވެ.
(ފިނދަންބެ)ގެ މި މަސައްކަތުގައި ވަރަށް ފަންނުވެރި، ތަޖުރިބާކާރެކެވެ. އޭނާ ވިޔެފައިވާ ފޭލިތައް މުޅި ރާއްޖޭގައި ވަނީ ބޭނުންކޮށްފަ އެވެ. ނަމަވެސް މިއަދު މި މަސައްކަތް ވަނީ އުވިގެން ގޮސްފަ އެވެ. އެހެންކަމުން ނާޖިހު ދީދީ ސޯސަލް މީޑިއާގައި ހިއްސާކޮށްދީފައިވާ މި ފޮޓޯތަކަކީ އަޅުގަނޑުމެންގެ ސަގާފީ ތަރިކައިގެ ވަރަށް އަގުހުރި ބައެކެވެ.
Kudarikilu Ibrahim fulhu mihaaruves feyli viye kudarikilu museum ga