އޭދަފުށީ އަންހެނުންގެ ތަރައްޤީއަށް މަސައްކަތްކުރާ ކޮމެޓީ (ޑަބްލިއުޑީސީ) އިން ހޭންޑް ބޯލް މުބާރާތެއް ބޭއްވަން ނިންމައިފި އެވެ.
“ގުރަހަ ހޭންޑް ބޯލް މުބާރާތް” ގެ ނަމުގައި އަންހެނުންނަށް ޚާއްޞަ މި މުބާރާތަކީ އޭދަފުށީގައި ދިރިއުޅޭ އަންހެނުންނަށް އަމާޒުކޮށްގެން ބާއްވާ މުބާރާތެކެވެ.
މުބާރާތުގައި ބައިވެރިވުމުގެ ފުރުޞަތު ނޮވެމްބަރު 10 ގެ ނިޔަލަށް ވަނީ ހުޅުވާލައިފަ އެވެ.
މުބާރާތުގެ ޗެމްޕިއަން ޓީމަށް 20,000 ރުފިޔާ އަދި ރަނަރަޕް ޓީމަށް 15,000 ރުފިޔާގެ ފައިސާގެ އިނާމު ކަނޑައަޅާފައިވާ ކަމަށް ޑަބްލިއުޑިސީން ބުންޏެވެ.
މުބާރާތް ފެށުމަށް ހަމަޖެހިފައިވަނީ ނޮވެމްބަރު މަހުގެ 22 ވަނަ ދުވަހު އެވެ.
