ބ. ގޮއިދޫއާ ފެހެންދޫ އާ ދެމެދު ދަތުރު ކުރަމުން ދިޔަ ދެ ޑިންގީއެއް ޖެހި މިއަދު ހިނގި އެކްސިޑެންޓްގައި އެންމެ ބޮޑަށް އަނިޔާވި 4 މީހުންނަށް އިތުރު ފަރުވާ ދިނުމަށް ދެންމެ އަކު މާލެ ފުރުވާލައިފި އެވެ.
މި އެކްސިޑެންޓު ހިނގީ، ވެލި ނެގުމަށްޓަކައި ގޮއިދޫން ދަތުރުކުރި ޑިންގީއަކާއި ދެ ޓޫރިސްޓަކު ގޮވައިގެން ފެހެންދު އަށް ދިޔަ ޑިންގީއެއް ޖެހިގެންނެވެ. އެކްސިޑެންޓުގައި ޒަހަމްވީ ދެ ޑިންގީގައި ތިބި ހަތަރު ދިވެހިންނަށެވެ.
އެކްސިޑެންޓުގައި އަނިޔާވި ހަތަރު މީހުންނަށްވެސް އެކިވަރުގެ އަނިޔާތައް ލިބިފައިވެ އެވެ. އޭގެ ތެރެއިން އެކަކުގެ މޫނުމަތިން އެކި ތަންތަނުން ފަޅައިގެން ގޮސް އެކި ޒަހަމުތައް ވަނީ ލިބިފަ އެވެ.
އެކްސިޑެންޓުގައި ދެ އުޅަނދަށް ވެސް ވަނީ އެކިވަރުގެ ގެއްލުންތައް ލިބިފަ އެވެ.