ދިރާގުގެ ނެޓްވާކް އަލަށް ހިޔާރު ކުރާ ކަސްޓަމަރުންނަށް ހަ މަސް ދުވަސްވަންދެން ހިލޭ ޑޭޓާ ދޭން ފަށައިފި އެވެ.
ދިރާގުން މިއަދު ނެރުނު ބަޔާނެއްގައި ބުނި ގޮތުގައި ދިރާގު މޮބައިލް ޕޯސްޓްޕެއިޑް އެއް ނަގައިގެން 6 މަސް ދުވަސް ވަންދެން 2 ޖީބީ ގެ ހިލޭ ޑޭޓާ އާއި 3 މަސް ދުވަސް ވަންދެން މަހު ފީ އިން %25 ޑިސްކައުންޓް ލިބޭނެ އެވެ.
އަދި ދިރާގުގެ މޮބައިލް ޕްރީޕެއިޑް ކަނެކްޝަން ނަގާ ކަސްޓަމަރުންނަށް 6 މަސް ދުވަސް ވަންދެން ކޮންމެ މަހަކު 1 ޖީބީގެ ޑޭޓާ ހިލޭ ލިބޭނެ ކަމަށް ދިރާގުން ބުންޏެވެ.
މި ޕްރޮމޯޝަނުގައި އަލަށް ދިރާގުގެ މޯބައިލް ކަނެކްޝަނެއް ނަގާ ކަސްޓަމަރުނާއި މިހާރު ގެންގުޅޭ ނަންބަރު ބަދަލު ނުކޮށް ދިރާގު ޕްރީޕެއިޑް ނުވަތަ ޕޯސްޓްޕެއިޑް ހިދުމަތެއް ނަގާ ފަރާތްތައް ވެސް ހިމެނެ އެވެ.
ދިރާގުގެ ނެޓްވޯކާ އަލަށް ގުޅުމަށް މިހާރު ގެންގުޅުއްވާ ނަންބަރު ބަދަލުނުކޮށް ދިރާގު ޕްރީޕެއިޑް ނުވަތަ ޕޯސްޓްޕެއިޑް ޚިދުމަތެއް ނެންގެވޭނެ އެވެ.
ދިރާގުން އަންނަނީ މީހުން ދިރިއުޅޭ ހުރިހާ ރަށެއްގައި 3ޖީގެ ހިދުމަތް ދެމުންނެވެ. އަދި މި އަހަރު ނިމުމުގެ ކުރިން މުޅި ރާއްޖެ އަށް 4ޖީގެ ހިދުމަތް ފޯރުކޮށް ދޭން ދިރާގުން ވަނީ ބޮޑު މަޝްރޫއެއްވެސް ފަށައިފަ އެވެ.
