ރާއްޖޭގައި ހަލުވިކަމާއެކު ފެތުރެމުންދާ އެޗްވަންއެންވަންއާ ގުޅޭ މައުލޫމާތު އޭދަފުށީގައި މަސައްކަތްކުރާ ބިދޭސީންނަށް މޯލްޑިވްސް ރެޑްކްްސެންޓާ ގުޅިގެން ފޭލި ޖަމިއްޔާއިން ފޯރުކޮށްދީފި އެވެ.
ފޭލި ޖަމިއްޔާގެ އޮފިޝަލަކު ވިދާޅުވީ، އޭދަފުށީގައި ދިރިއުޅޭ ގިނަ އަދަދެއްގެ ބިދޭސީންނަށް އެޗް1އެން1 އާ ބެހޭގޮތުން އިއްޔެ މައުލޫމާތު ދީފައިވާ ކަމަށާއި އެ ޕްރޮގްރާމް ހިންގުމުގައި ފޭލި ޖަމިއްޔާގެ މެންބަރުންނާއި ވޮލަންޓިއަރުން ހަރަކާތްތެރިވެފައިވާ ކަމަށެވެ.
ރެޑް ކްރެސެންޓާ ގުޅިގެން ފޭލިން އޭދަފުށީގައި ހިންގި އެ ޕްރޮގުރާމުގެ ދަށުން އޭދަފުށީގެ މަގުތަކުގައި ހިނގައި، ދިމާވާ ބިދޭސީންނަށާއި އަދި ބިދޭސިން މަސައްކަތ ކުރާ ބައެއް ސައިޓްތަކަށާއި ކެފޭ ރެސްޓޮރަންޓްތަކަށް ގޮސް އެ ރޯގާ އަދި ވައިރަސް ޖެހޭ ގޮތާއި ފެތުރޭގޮތް އަދި ބަލިން ސަލާމަތްވުމަށް ކުރަން ޖެހޭ ކަންތައް ކިޔައިދީ އެމީހުންގެ ބަހުން ތައްޔާރުކޮށްފައިހުރި ލީފްލެޓް ފަދަ ތަކެތި ދީފައިވެ އެވެ.
“މިއަދު ހަވީރުވެސް ވީހާވެެސް ގިނަ ބިދޭސީންނަށް މައުލޫމާތު ދިނުމަށް އަޅުގަނޑުމެންގެ ޓީމުތައް ހަރަކާތްތެރިވާނެ، މިއީ މޯލްޑިވްސް ރެޑްކްރެސެންޓާ ގުޅިގެން ކުރިއަށްގެންދާ ހަރަކާތެއް،” އޮފިޝަލް ވިދާޅުވިއެވެ.
މޯލްޑިވްސް ރެޑްކްރެސެންޓުން ވަނީ މިދިޔަ ހަފްތާ އައްޑޫ ސިޓީގައި މަސައްކަތްކުރާ ބިދޭސީންނަށްވެސް އެޗް1އެން1 އާ ބެހޭ މައުލޫމާތު ފޯރުކޮށްދީފި އެވެ.
