މިހާރު ކުރިޔަށްދާ މިނިވަން ޗެންޕިއަންޝިޕް ފުޓްބޯޅަ މުބާރާތުގެ ޒޯން 3 ގައި ކުޅުމަށް ހަމަޖެހިފައިވާ މެޗްތައް އެފް.އޭ.އެމް އިން ފަސްކޮށްފިއެވެ.
ފުޓްބޯލް އެސޯސިއޭޝަން އޮފް މޯލްޑިވްސް ގެ ޖެނެރަލް ސްކެޓްރީ ހުސައިން ޖަވާޒް އީޓީ މިއަދު އީޓީއަށް މައުުލޫމާތު ދެމުން ވިދާޅުވީ ޒޯން 3 ގައި ކުޅުމަށް ހަމަޖެހިފައިވާ މެޗްތަށް މިމަހު 20 ވަނަ ދުވަހު ފެށުމަށް ފަސްކުރެވިފައިވާ ކަމަށާއި ޒޯން 3 ގެ މެޗްތަށް ކުރިޔަށް ގެންދާނެ ވަކި ރަަށެއްް އަދި ނުނިންމާކަމަށެވެ. އަދި މިހާރު ކުރިޔަށް ދަނީ ރަށްރަށުން ހުޅަހަޅަފައިވާ ޕްރޮޕޯސަލްތަށް އިވެލުއޭޓް ކުރުމުގެ މަސައްްކަަތެވެ. މުބާރާތުގެ ޒޯން 3 ގެ މެޗްތަށް ފަސްކުރި ސަބަބެއް ޖަވާޒް ވިދާޅެއްނުވެއެވެ.
މީގެ ކުރިން ޒޯން 3 ގެ މެޗްތަށް ފެށުމަށް ހަމަޖެހިފައިވަނީ މާދަމާއެވެ. ޒޯން 3 ގެ ފުރަތަމަ މެޗުގައި ބައްދަލުކުރާނީ އުނގޫފާރާއި އޭދަފުއްޓެވެ. ދެވަނަ މެޗްގައި އޮޅުވެލިފުއްޓާ ދެކޮޅަށް އުނގޫފާރު ނިކުންނަ އިރު 3 ވަނަ މެޗްގައި ޗެންޕިއަން އޭދަފުށި ނިކުންނާނީ އޮޅުވެލިފުއްޓާ ދެކޮޅަށެވެ. ފައިނަލަށް ދާނީ ތިންޓީމު ވާދަކޮށް އެންމެ ގިނަ ޕޮއިންޓް ހޯދާ ދެޓީމެވެ.
