އަންނަ މަހު 6 ވަނަ ދުވަހު ބާއްވާ ލޯކަލް ކައުންސިލް އިނތިހާބުގައި އަމިއްލަ ގޮތުން އޭދަފުށީ ކައުންސިލަށް ކުރިމަތިލައްވާފައިވާ ޒައިދު އަލީގެ ކެމްޕޭން ޖަހަ މިރޭ ހުޅުވައިފި އެވެ.
މި ރަށު ސަން ޝައިން ގޭގައި މިރޭ މި ޖަގަހަ ހުޅުވައިދެއްވީ މިރަށު ހަނދުވަރު އަބްދުލް ހާރިސް ހަސަން އެވެ.
ޑައުންޓައުން ބޮޑުބެރު ގްރޫޕުގެ ބޮޑު ބެރުގެ ހަރަކާތްތަކާއެކު ކުރިއަށްދިޔަ ޒައިދު ޖަގަހަ ހުޅުވި ރަސްމިއްޔާތުގައި ޒައިދުގެ ކެމްޕޭން ޓީމުގައި އިސްކޮށް އުޅުއްވާ ފަރާތްތަކާއި އަދި ޒުވާނުން ބައިވެރިވި އެވެ.
ޒައިދުގެ ކެމްޕޭން ޓީމުން ބުނީ، ޖަގަހަ ހުޅުވި، އެ ތަނުގައި މަސައްކަތްތައް ފެށުމުން ކެމްޕޭންގެ ހަރަކާތްތައް ވަރަށް ފޯރިއާ ޖޯޝާ އެކު ކުރިއަށް ގެންދާނެ ކަމަށެވެ. އަދި ޕީއެސް ކުޅުމާއި ހިލޭ ކޮފީ ބުއިންފަދަ ކަންތައްތައްވެސް ޖަގަހައިގައި ކުރިއަށްދާނެ ކަމަށް ޒައިދު ކެމްޕޭން ޓީމުން ބުންޏެވެ.
އަންނަ ލޯކްލަ ކައުންސިލް އިންތިހާބުގައި އޭދަފުށީ ކައުންސިލަށް 12 މީހަކު ވާދަކުރެ އެވެ. އޭގެ ތެރެއިން ޒައިދަކީ ކެމްޕޭން ޖަގަހަ ހުޅުވި ފުރަތަމަ ކެންޑިޑޭޓެވެ. ޒައިދުގެ ކެންޑިޑޭޓް ނަންބަރަކީ 5 އެވެ.