މިހާރު ކުރަމުންދާ ވިއްސާރައިގައި ގަދަ ވަޔާއެކު ބ. ފެހެންދޫ އަށާއި ތުޅާދޫ އަށް ގެއްލުންތަކެއް ވެއްޖެ އެވެ. އެކަމަކު މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.
ފެހެންދޫ ކައުންސިލުން ބުނީ މިއަދު ހެނދުނު ކުރި ވިއްސާރައިގައި ޖެހުނު ގަދަ ވަޔާއެކު އެރަށު އަސުރުމާ ގޭގެ ފުރާޅު އެއްލާއި، އެ ގޭގައި ގެންގުޅޭ ބައެއް ސާމާނުތަކަށް ވެސް ގެއްލުން ލިބިފައިވާ ކަމަށެވެ.
އަދި ބައެއް ސަރަހައްދު ތަކުގައި ހުރި ބޮޑެތި ރުއްގަސްތައް ވެއްޓި ބައެއް ގޭގެ އަށްވެސް ގެއްލުން ލިބިފައިވާ ކަމަށް އެރަށު ކައުންސިލުން ބުންޏެވެ.
މި ވިއްސާރައިގަިއ ރޭ ޖެހުނު ގަދަ ވައިގެ ސަބަބުން ތުޅާދޫ ގެ ގެއްގެ ބަދިގޭގެ ފުރާޅުން ބައެއް އެއްލާލުމުގެ އިތުރުން، ގޭގެ ބައެއް ގަސްގަހަށްވެސް ވަނީ ގެއްލުންވެފަ އެވެ.
ވިއްސާރައިގެ ސަބަބުން މިދެރަށަށް ލިބުނު ގެއްލުންތައް އެރަށްރަށުގެ ކައުންސިލުތަކުން ބެލުމަށްފަހު އެހީތެރިކަން ފޯރުކޮށްދެން ޖެހޭ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް ދަނީ ކުރަމުންނެވެ.
މޫސުމާބެހޭ ގައުމީ އިދާރާއިން ލަފާކުރާ ގޮތުގައި ކުރިއަށް އޮތް 24 ގަޑިއިރުވެސް އުތުރާއި މެދު ރާއްޖެތެރޭގެ އަތޮޅުތަކަށް ގަޑިއަކު 23 މޭލާއި 29 މޭލާއި ދެމެދުގެ ބާރުމިނުގައި ވައިގަދަވާނެ ކަމަށެވެ.
