އޭދަފުށީ މަސްޖިދު ސުލްތާން މުހައްމަދު މުއީނުއްދީން (ހުކުރު މިސްކިތް) މިސްކިތުގެ ކާޕެޓް އާކުރުމަށް ރައްޔިތުންގެ މާލިއްޔާއިން 289000 ރުފިޔާ ނަގަން ކައުންސިލުން ފާސްކޮށްފި އެވެ.
ކައުންސިލްގެ ތިން މެމްބަރުންގެ މެޖޯރިޓީން ރައްޔިތުންގެ މާލިއްޔާއިން މި ހަރަދު ކުރަން ނިންމީ މިސްކިތުގެ ކާޕެޓް ބާވެ، ވަރަށްބޮޑަށް ހަލާކުވެފައިވާތީ އާ ކާޕެޓް ގަތުމަށް ކަމަށް ރަށު ކައުންސިލުން ބުންޏެވެ.
ކާޕެޓް އާ ކުރުމަށް ރައްޔިތުންގެ މާލިއްޔާއިން މިހާބޮޑު ޚަރަދެއް ކުުރަން ކައުންސިލުން ފާސްކުރިއިރު، މީގެ ކުރިން ދެ ފަހަރެެއްގެ މަތިން އެ މިސްކިތުގެ ކާޕެޓް އާ ކޮށްފައިވަނީ އޭދަފުށީ އަމިއްލަ ފަރާތްތަކުގެ އެހީއާ އެކުއެވެ.
އަދި އެނގިފައިވާ ގޮތުގައި މިއަހަރު ކުރީކޮޅު މިއަތޮޅު ރިސޯޓަކަށް އައި ސައުދީގެ ފަތުރުވެރިޔަކު އެ މިސްކިތަށް އެހީދޭން މަސައްކަތް ކޮށްފައިވެސް ވަނިކޮށެވެ. ނަމަވެސް ކައުންސިލު މެދުވެރިކޮށް މިސްކިތުގެ ބައެއް މައުލޫމާތު ލިބުމުގައި ދަތިތަކެއް ދިމާވެގެން އެ ފަތުރުވެރިޔާގެ ފަރާތުން އެ އެހީ ވަނީ ހަމަޖެހޭ ގޮތް ނުވެފަ އެވެ.