މައި ކޮލެޖު އޭދަފުށީ ބްރާންޗުން ބޭއްވި ގުރުއާން މުބާރާތުން އެއްވަނަ މިރަށު މާފަރު އަހްމަދު ޔަނާލް ނިޔާޒު އާއި އަސަރީގޭ ޝައިމާ އަބްދުﷲ ހޯދައިފި އެވެ.
ޔަނާލު މި މުބާރާތުން އެއްވަނަ ހޯދީ ހިތުން ކިޔެވުމުގެ ބައިންނެވެ. ޝައިމާ އެއްވަނަ ހޯދީ ބަލައިގެން ކިޔެވުމުގެ ބައިންނެވެ.
މި މުބާރާތުން ވަނަތައް ހޯދި ދަރިވަރުންނަށް އިނާމު ދިނުމަށް އިއްޔެ މެންދުރުފަހު ހާއްސަ ހަފުލާއެއް އެ ކޮލެޖުގެ އޭދަފުށީ ބްރާންޗުގައި ބާއްވާފައި ވެ އެވެ. މުޅި މުބާރާތުން ދެ ގޮފިން އެއްވަނައިގެ އިތުރުން ދެވަނަ އަދި ތިންވަނައަށް ހޮވުނު ކުދިންނަށް ވެސް ފައިސާގެ އިނާމާއި ޓްރޮފީ އަދި ހަނދާނީ ލިޔުން ދީފައިވެ އެވެ.
މައި ކޮލެޖު އޭދަފުށީ ކެމްޕަހުގެ އިންގްލިޝް ފޯ ޔަންގް ލާނާސް ކްލާހުގެ ދަރިވަރުންގެ މެދުގައި މިދިޔަ އަންގާރަ ދުވަހު ބޭއްވި މި މުބާރާތުގައި 37 ދަރިވަރުން ބައިވެރިވި އެވެ.
މައި ކޮލެޖުން ބުނީ އަންނަ އަހަރު މި މުބާރާތް ބާއްވާނީ ކޮލެޖުގައި ކިޔަވާ ކުދިންގެ އިތުރުން މުޅި ރަށަށް ހުޅުވާލައިގެން ކަމަށެވެ.
