ސަލްސާ އިންވެސްޓްމަންޓުން ބ. އޭދަފުށީގައި ހުޅުވި “ސަލްސާ ރިޓްރީޓް” ރެސްޓޯރެންޓް ރަސްމީކޮށް ހުޅުވުމުގެ ގޮތުން މިރަށުގައި ބާއްވާ ކުރީގެ ކުޅުންތެރިންގެ ހާއްސަ ފުޓްބޯޅަ މެޗުގެ އެންމެ ފަހުގެ ފަރިތަކުރުންތަށް 2 ޓީމުންވެސް މިއަދު ހަވީރު ވަނީ އޭދަފުށި ފުޓްބޯޅަ ދަނޑުގައި ކުރިޔަށް ގެންގޮސްފައެވެ.
ސަލްސާ އިންވެސްޓްމަންޓުގެ މެނޭޖިން ޑިރެކްޓަރު އިބްރާހިމް އާމިރު (ސަލްސާ އާމިރު) އާއި އޭދަފުށީ ވެޓްރަންސް ކްލަބާއި ވެޓްރަންސް ފުޓްބޯޅަ ޖަމިއްޔާއެއް ކަމަށްވާ ސޮކާމޭޓްސް ގުޅިގެން ރާވާ މި މެޗުގައި ދެ ޓީމުގައި ވެސް ކުރީގެ މަޝްހޫރު ތަރިން ކުޅޭނޭ އެވެ.
މި މެޗް އޮންނާނީ މާދަމާ ހަވީރު އޭދަފުށީ ފުޓްބޯޅަ ދަނޑުގައެވެ. މި މެޗް ޓީވީއެމުން ލައިވް ކުރާގޮތަށް ވަނީ ހަމަޖެހިފައެވެ.