ކޮންމެ އަހަރެއްގެެވެސް އަޞްހާ އީދު ބަންދާ ދިމާކޮށް އޭދަފުށީ ޒުވާނުންގެ ކްލަބުން އިންތިޒާމް ކޮށްގެން ކުރިޔަށް ގެންދާ ފުޓްބޯޅަ މުބާރާތުގެ ގުރުނެގުމުގެ ރަސްމީޔާތު މިރޭ ބާއްވައިފިއެވެ.
މަލްޓި ޕާޕަސް ބިލްޑިންގްގައި ކުރިޔަށް ގެންދިޔަ ގުރު ނެގުމުގެ ރަސްމީޔާތުގައި މުބާރާތުގައި ބައިވެރިވި 7 ޓީމުން ވެސް ވަނީ ބައިވެރިވެފައެެވެ. މި މުބާރާތް ކުރިޔަށް ގެންދަން ހަމަޖެހިފައިވަނީ 2 ގްރޫޕް އަކަށް ބަހާލައިގެންނެވެ.
މި މުބާރާތުގެ ގްރޫޕް އޭ އަށް ގޮސްފައިވާ ޓީމްތަކަކީ އެމް.އޭ ޔުނައިޓެޑް، ޔުނައިޓެޑް ވީ ، އެންޖޯއި ފްރެންޑްސް އަދި ސައިނޯސާ އެފްސީ އެވެ.
ގްރޫޕް ބީ ގައި ހިމެނުނު ޓީމްތަކަކީ ހުސްސޮގުން ، ވެލާ ސިޓީ އަދި މި މުބާރާތުގައި އަލަށް ވާދަކުރާ ޑައުންޓައުން އެފްސީއެވެ.
މި މުބާރާތް ފެށުމަށް ހަމަޖައްސާފައިވަނީ އަންނަ އޮގަސްޓް މަހުގެ 29 ވަނަ ދުވަހުއެވެ.
މި މުބާރާތުގެ މިދިޔަ އަހަަރުގެ ޗެންޕިއަން ޓީމަކީ އެމް.އޭ ޔުނައިޓެޑް ޓީމެވެ.