ދިވެހިރާއްޖޭގައި ހިމާޔަތް ކުރެވިފައިވާ ސަރަހައްދުތަކުގައި އަމަލީ ގޮތުން މިވަގުތު މަސައްކަތްކުރަމުން ގެންދާ ފަރާތްތަކަށް އަމާޒުކޮށްގެން އޭދަފުށީގައި ރޭންޖާސް ޓްރޭނިން ޕްރޮގްރާމެއް ފަށައިފި އެވެ.
ފުރަތަމަ ފަހަރަށް އެއް މޭޒެއްގެ ދޮށުން “އެކްސެލެންސް އިން ދަ ފީލްޑް އޮފް މަނޭޖްމަނޓް އޮފް ނެޗުރަލް ރިސޯސަސް – އަ ޓެކްނިކަލް ޓްރެއިނިން ފޯ ރޭންޖާސް” ގެ ނަމުގައި އޭދަފުށީގައި މިއަދު ހެނދުނު ފެށި މި ބައްދަލުވުމުގެ ބ.އަތޮޅު ބަޔޮސްފިއާ ރިޒާވް އޮފީހާއި އައްޑޫ އަދި ފުވައްމުލައް ޕްރޮޖެކްޓް އޭރިއާ ޓީމްގެ އިތުރުން އެންވަޔަރަންމަންޓަލް ޕްރޮޓެކްޝަން އެޖެންސީ އަދި މިނިސްޓްރީ އޮފް އެންވަރަންމަންޓް އެންޑް އެނަޖީ އަދި މޯލްޑިވްސް ނެޝަނަލް ޔުނިވާސިޓީ ހިމެނޭ ގޮތަށް ޖުމްލް 15 މީހުން ބައިވެރިވެ އެވެ.
އަންނަ އާދީއްތަ ދުވަހުގެ ނިޔަލަށކުރިއަށް ގެންދިޔުމަށް ހަމަޖެހިފައިވާ މި ޓްރޭނިން ޕްރޮގްރާމުގައި ތިއަރީ އަދި ޕްރެކްޓިކަލް ސެޝަންތައް ހިމެނޭ ގޮތަށް ހިމާޔަތް ކުރެވިފައިވާ ސަރަހައްދުތަކުގައި މިހާރު އަމަލީގޮތުން މަސައްކަތްކުރާ ފަރާތްތައް އެއްބަޔަކު އަނެއްބަޔަކާ ބައްދަލުވެ އެފަރާތްތަކުގެ ތަޖުރިބާގެ ހިއްސާ ކުރާނެ އެވެ.
ޓްރެއިންގ ޕްރޮގްރާމުގެ ސެޝަންތައް ނަންގަވާ ދެއްވާނީ އޮސްޓްރޭލިއާގެ ގްރޭޓް ބެރިއަރީފް މެރިން ޕާކް އޮތޯރިޓީގައި މަސައްކަތް ކުރައްވާ ކަމާބެހޭ ދެ ތަޖުރިބާކާރުންނެވެ.
