މިސްރުގައި އޮތް ފެސްޓިވަލެއްގައި އާންމުންގެ މެދުގައި މަގުބޫލު ރާޅުގަނޑު ބޮޑުބެރު ގްރޫޕާއެކު ހައްރާފު ސިދުގީ (ހައްރަ) ޕަފޯމް ކޮށްފި އެވެ.
ބ. އޭދަފުއްޓަށް އުފަން ހައްރާފު އޯލެވެލް ނިންމުމަށްފަހު ރާޅުގަނޑު ބޮޑުބެރު ގްރޫޕާ ގުޅުނީ 2015 ވަނަ އަހަރު އެވެ.
މިސްރުގެ ކަލްޗަ މިނިސްޓްރީން އިންތިޒާމުކޮށްގެން ބޭއްވި “އިންޓަނޭޝަނަލް ސަމާ ފެސްޓިވަލް ފޮ ސްޕިރިޗުއަލް މިއުޒިކް އެންޑް ޗާންޓިން” އޮތީ މިހަމަހުގެ 20-27 އަށެވެ.
ކައުޗް ސާފިން އިޖިޕްޓްގެ އެހީތެރިކަމާ އެކު މިއީ މި ފެސްޓިވަލް ބޭއްވި ދިހަ ވަނަ އަހަރަށެވެ. މި މިއުޒިކް ފެސްޓިވަލްގައި ބޭނުން ކުރީ ހަމައެކަނި ސަގާފީ ހެދުމާއި، މިއުޒިކު ކުޅެން ބޭނުން ކުރާ ސަގާފީ އާލާތްތަކެވެ.
މި ފެސްޓިވަލުގައި މިއަހަރު ރާއްޖެއިން ބައިވެރިވުމުގެ ފުރުސަތު ލިބުނީ ރާޅުގަނޑު ބޮޑުބެރު ގްރޫޕަށެވެ.
ވަރުނުލާ ރާގުގަނޑު ސަރަހައްދަށް ނިސްބަތްވާ ޒުވާނުންތަކެއް ގުޅިގެން މި ބޭންޑް އުފެއްދީ 2010 ވަނަ އަހަރު “ވަރުނުލާ ބޮޑުބެރު ގްރޫޕް”ގެ ނަމުގަ އެވެ. ނަމަވެސް ހަ އަހަރު ފަހުން ވަނީ އެ ގްރޫޕުގެ ނަން “ރާޅުގަނޑު ބޮޑުބެރު ގްރޫޕަށް” ރިބްރޭންޑްކޮށްފަ އެވެ.
ވަރުނުލާ ބޮޑުބެރު ގްރޫޕުން ވަނީ ބޮޑުބެރުގައި މިހާތަނަށް ފާހަގަކޮށްލެވޭ ކާމިޔާބީތަކެއް ވެސް ހޯދައިފަ އެވެ. އަދި އެ ގްރޫޕުން އަންނަނީ މާލެ އާއި އަތޮޅު ތެރޭގައި ފޯރި ގަދަ ޝޯތައް ވެސް ދެމުންނެވެ.
މިދިޔަ އަހަރު މިސްރުގެ ކަލްޗަ މިނިސްޓްރީން ބޭއްވި “އިންޓަނޭޝަނަލް ސަމާ ފެސްޓިވަލް ފޮ ސްޕިރިޗުއަލް މިއުޒިކް އެންޑް ޗާންޓިން” ގައި ރާއްޖޭން ބައިވެރިވީ މަޝްހޫރު ބޮޑުބެރު ބޭންޑް ހަބޭސް އެވެ.
އޭނައަށް ވެސް އެ ދެވުނީތާ ދޯ….
ދެން ތިޔަވީ !!!!!