ފޯސީޒަން މޯލްޑިވްސް އަތުން 1-0 އިން ހޯދި މޮޅާ އެކު މިއަހަރު އަލަށް މި މުބާރާޓުގައި ވާދަކުރި މިލައިދޫ އައިލެންޑް ރިސޯޓް އިންޓަ ރިސޯޓް ފުޓްބޯޅަ މުބާރާތުގެ ސެމީ ފައިނަލުގެ ފަހު ޖާގަ ހޯދައިފި އެވެ.
ގްރޫޕް އޭ އިން ސެމީގެ ޖާގަ ލިބުނީ ސޮނެވާ އާއި މިލައިދޫ އަށެވެ ގްރޫޕް ބީން ސެމީގެ ޖާގަތައް ކަށަވަރުކުރީ ސްމޯލް އައިލެންޑް މޯލްޑިވްސް އާއި ޑުސިޓު ތާނީ މޯލްޑިވްސް އެވެ.
މިއަދުގެ މެޗުގައި މިލައިދޫންޖެހި ހަމައެކަނި ލަނޑު ޖެހީ ފުރަތަމަ ހާފު ނިމެނިކޮށް ހަސަން ޔާސިރު އެވެ.
މުބާރާތުގެ ސެމީގެ ފުރަތަމަ މެޗުގައި މާދަމާ ހަވީރު ސޮނެވާފުއްޓާ ދެކޮޅަށް ނުކުންނާނީ ސްމޯލް އައިލެންޑް މޯލްޑިވްސް (އަމިއްލަފުށި/ފިނޮޅު) އެވެ. ސެމީގެ ދެވަނަ މެޗުގައި ބުރާސްފަތި ދުވަހު މިލައިދޫ އާ ދެކޮޅަށް ނުކުންނާނީ ޑުސިޓް އެވެ.
މި މުބާރާތުގެ އެންމެފަހުގެ ޗެމްޕިއަނުންނަކީ ސްމޯލް އައިލެންޑް މޯލްޑިވްސް އެވެ. 
އިންޓަ ރިސޯޓް ފުޓްބޯޅަ މުބާރާތަކީ ބ. އަތޮޅު ރިސޯޓްތަކަށް ހުޅުވާލައިގެން 2013 ވަނަ އަހަރުން ފެށިގެން ބާއްވަމުން އަންނަ މުބާރާތެކެވެ.
