އަމިއްލަ ބަޔަކު އިސް ނަގައިގެން ހިލޭ ސާބަހަށް އޭދަފުށީ ދެނުކު ފަރާތު ހިއްކި ބިމުގައި ތަރައްގީ ކުރާ ކުޑަކުދިންގެ ޕާކުގެ ބޮޑު ބައެއް ގާތްގަޑަކަށް ނިމިއްޖެ އެވެ.
ޕާކު ހެދުމުގެ މަސައްކަތުގައި އިސްކޮށް އުޅޭ މީހަކު ބުނިގޮތުގައި ޕާކުގެ މައިގަނޑު ހުރިހާ މަސައްކަތެއްހެން ނިމިފައިވާ ކަމަށާއި މި މަސް ނިމުމުގެ ކުރިން ޕާކުގެ މަސައްކަތް އެއްކޮށް ނިންމާލެވޭވަރުވާނެ ކަމަށެވެ.
“މިހާރު ކުރިއަށް އެދަނީ ޕާކުގައި ބަހައްޓާ ތަކެތި އިންސްޓޯލު ކުރުމުގެ މަސައްކަތް. އުއްމީދު ކުރަނީ މި މަހުގެ ނިޔަލަށް މަސައްކަތް އެއްކޮށް ނިންމާލައި އަންނަ މަހުގެ ކުރީކޮޅު ތަން ހުޅުވަން،”
ކުޑަ ކުދިންނަށް ހާއްސަކޮށްގެން ހަދާ މިޕާކު ތަރައްގީ ކުރަނީ ބޮޑެތި މީހުންނަށް ހާއްސަ އައުޓް ޑޯ ޖިމެއްވެސް ހިމެނޭ ގޮތަށެވެ.
އަމިއްލަ ފަރާތަކުން އޭދަފުށީ ހިއްކި ބިމުގައި ޕާކެއް ތަރައްގީ ކުރަމުން އަންނައިރު، މިރަށު އުތުރުފަރާތު ދިގަލިގޭ ކުރިމަތީގައިވެސް އަންނަނީ ޕާކެއް ތަރައްގީ ކުރަމުންނެވެ.